Eýran halkara hyzmatdaşlyk kararyna garşy
Halkara hyzmatdaşlygynyň terrorçylyga garşy tutanýerli tutum alyp barmagyna şübheli garaýar
Eýran YDYD guramasyna garşy dörediljek halkara hyzmatdaşlygyna käbir näbellilikleriň bardygy sebäpli garşylyk görkezdi.
Eýranyň Daşary işler ministrliginiň metbugat geňeşçisi Merziýe Afham NATO-nyň YDYD guramasyna garşy strategiýasynda näbellilikleriň bardygyny we dörediljek halkara hyzmatdaşlygynyň terrorçylyga garşy tutanýerli tutum alyp barmagyna şübheli garaýandyklaryny aýtdy.
Afham metbugata beren beýanatynda Günbatarly ýurtlar bilen hyzmatdaşlarynyň birnäçe ýyldan bäri terrorçylyga garşy göreşde iki ýüzli çemeleşendiklerini öňe sürdi we şol ýurtlaryň hemişe terrorçylykdan peýdalanandygyny belledi.
Eýranyň Daşary işler ministri Muhammed Jewad Zarif Amerikan hökümetiniň YDYD guramasyna garşy göreşde içgin hereket etmeýändigini öňe sürüpdi we terrorçylyga garşy göreş meselesinde sebitde ýerleşýän ýurtlaryň hyzmatdaşlyk etmegini teklip edipdi.
Eýranyň Prezidenti Hasan Ruhani hem sebitde ýerleşýän ýurtlar ýakyndan hyzmatdaşlyk eden halatynda gysga wagtda terror meselesiniň çözülip bilinjekdigini aýdypdy.
