Eýranyň Prezidenti Ruhani resmi sapar bilen Ankara geldi

Eýranyň Prezidenti Hasan Ruhani resmi dabara bilen Ankara geldi.
Jenap Ruhaniniň saparynyň çäginde iki ýurduň arasyndaky ykdysady gatnaşyklar bilen birlikde Siriýanyň başda durmagynda sebitara meseleler ara alnyp maslahatlaşylar.
Saýlanan gününden bäri günbatarly ýurtlar bilen ýurdunyň arasyndaky gatnaşyklary kadalaşdyrmaga itergi beren Eýranyň Prezidenti Ruhani bu gezek möhüm delolar bilen Türkiýä geldi.
Ruhani Çankaýa köşgünde Prezident Abdulla Gül tarapyndan resmi dabara bilen garşylanar.
Söwda gatnaşyklarynyň depgininiň gowşamagy Ankara bilen Tähranyň ünsüni özüne çekýär.
İki ýurt söwda gatnaşyklarynyň mukdaryny 30 milliard dollara ýetirmegi maksat edinýär.
Gepleşiklerde tebigy gazyň bahasynyň kesgitlenmegi we sebitara söwda-da hyzmatdaşlyk mümkinçilikleri meselesine hem garalar.
Ruhani bilen Premýer ministr Erdoganyň ýolbaşçylyk etmeginde geçiriljek Ýokary derejeli strategik hyzmatdaşlyk geňeşiniň maslahatynda iki ýurduň arasyndaky gatnaşyklar ähli taraplaýyn ara alnyp maslahatlaşylar.
Eýranyň Prezidenti Hasan Ruhaniniň resmi saparynyň çäginde Siriýa, Müsür we Ysraýyl-Palestina meselesine hem garalar.