Türki döwletleriň gün tertibindäki wakalar

2023-nji ýylyň 25-nji sentýabrynda Gazagystanyň Prezidenti Kassym- Žomart Tokaýew Russiýanyň, Belarusyň we Gyrgyzstanyň premýer-ministrlerini kabul etdi. Duşuşykda Gazagystanyň adybir ýurtlar bilen ykdysady gatnaşyklary hakynda pikir alyşyldy. Russiýanyň, Belarusyň we Gyrgyzstanyň premýer-ministrleri Astanada geçirilen “Innaprom Gazagystan 2023” Halkara senagat sergisiniň açylyşyna gatnaşdylar.

Şol gün Gazagystanyň Prezidenti Tokaýew Tataristan Respublikasynyň Reisi Rustam Minnihanowy kabul etdi. Duşuşykda Gazagystan-Tatarystan gatnaşyklary hakynda pikir alyşyldy.

Tataristanyň Prezidenti Minnihanow 26-27-nji sentýabrda Türkmenistanda iş saparynda boldy. Arkadag şäherinde Prezident Minnihanow Türkmenistanyň Halk Maslahatynyň Başlygy Gurbanguly Berdimuhamedow, Prezident Serdar Berdimuhamedow bilen ikiçäk duşuşyklar geçirdi. Minnihanow Türkmenistanyň Garaşsyzlyk baýramyna bagyşlanyp geçirilen dabaralaryň abraýly myhmany boldy.

26-njy sentýabrda Özbegistanyň Prezidenti Şawkaw Mirziýoýew Gyrgyzstanyň Mejlisiniň Başlygy Nurlanbek Sakiýewi kabul etdi. Duşuşykda Özbegistan-Gyrgyzstan strategik gatnaşyklary hakynda giňişleýin pikir alyşyldy. Şol gün Mejlisiň Başlygy Sakiýew Özbegistanyň Kanun çykaryjy mejlisiniň Başlygy Nuriddin Ismailow we Ýokary Mejlisiň Başlygy Tanzila Narbaýewa bilen duşuşyklar geçirdi.

2023-nji ýylyň 28-nji sentýabrynda Gazagystanyň Prezidenti Kassym- Žomart Tokaýew “Berlin Global Dialogue” forumyna gatnaşyp, çykyş etdi. Prezident Tokaýew forumyň çäginde Sri-Lanka Respublikasynyň Prezidenti Ranil Wisremesing bilen duşuşdy.

29-njy sentýabrda Berlinde Merkezi Aziýa-Germaniýa Sammiti geçirildi. Sammite Germaniýanyň Premýer-ministri, Gazagystanyň, Gyrgyzstanyň, Özbegistanyň we Täjigistanyň Prezidentleri bilen Türkmenistanyň Halk Maslahatynyň Başlygy gatnaşdy. Sammitde Germaniýanyň Merkezi Aziýa ýurtlary bilen gatnaşyklarynyň ähli ugurlary seljerildi. Merkezi Aziýa ýurtlarynyň liderleri Germaniýanyň Premýer-ministri Olaf Şolz bilen ikiçäk duşuşyklar geçirdiler. Gyrgyzstan bilen Germaniýanyň hökümetleriniň arasynda Migrasiýa we özgerlişik ugurlarynda bilelikdäki jarnama gol çekişildi. Şol gün Germaniýanyň Prezidenti Frank-Ualter Şteýnmeýer Merkezi Aziýa ýurtlarynyň liderleri bilen umumy we ikiçäk duşuşyklar geçirdi.

Merkezi Aziýa ýurtlarynyň Prezidentleri Sammitiň çäginde nemes işewür dünýäsiniň öňdebaryjy wekilleri bilen duşuşdylar. Şeýle hem liderler nemes firmalarynyň wekilleri bilen ikiçäk duşuşyklar geçirdiler.

2023-nji ýylyň 25-nji sentýabrynda Türkiýäniň Prezidenti R.T.Edogan Azerbaýjana resmi sapar gurady. Azerbaýjanyň döwlet Ýolbaşçysy Ilham Aliýew Prezident Erdogany Nahiçewanda dabara bilen garşylady. Geçirilen duşuşykdan soň iki ýurduň arasynda 3 ylalaşyga gol çekişildi. Prezidentler Ygdyr-Nahiçewan tebigy gaz turba geçiriji taslamasynyň gurluşygyna badalga berdiler we Nahiçewan Harby önümçilik desgasyny açdylar.

28-29-njy sentýabrda Azerbaýjanyň Premýer-ministri Ali Asadow Täjigistana iş saparyny gurady. Täjigistanyň Premýer-ministri Kohir Razulzoda bilen duşuşan Asadow, Halkara Duşenbe-2023 Maýa goýum forumyna gatnaşdy.

Wakalardan hem görülşi ýaly geçen hepde türki döwletler üçin iňňän netijeli geçdi. Prezident Erdoganyň Nahiçewana sapary we gol çekişilen ylalaşyklar türki döwletleriň bitewileşmegine goşant goşar.