والیبالین افه‌لری میللتلر لیگینده
تورک میللی تیمی اویونچولاری، اویونون آردیندان تشکیل ائدیله‌ن مراسیمله ده شامپیونلوق نیشانینی آلدی
'والیبالین افه‌لری' میللتلر لیگینه قاتیلما حاقی قازاندی.
تورک میللی کیشیلر والیبال تیمی، اولوسلارآراسی والیبال فدراسیونو فیوب چلنجر کاپی فینالیندا قطری ۳-۲ مغلوب ائده‌رک ۲۰۲۴ والیبال میللتلر لیگینه قاتیلما حاقی قازاندی.
شامپیونلوق سونراسی اویونچولار و تکنیک هیئت بؤیوک سئوینج یاشادی. تورک میللی تیمی اویونچولاری، اویونون آردیندان تشکیل ائدیله‌ن مراسیمله ده شامپیونلوق نیشانینی آلدی.
گنجلیک و ایدمان باخانی عثمان آشکین باک، یاییملادیغی تبریک مئساژیندا، "قطرین ائو صاحیبلیگینده دوحده تشکیل ائدیله‌ن فیوب چلنجر کاپیندا قطری فینال‌دا مغلوب ائده‌رک شامپیون اولان تورک میللی کیشیلر والیبال تیمیمیزی تبریک ائدیره‌م. تورک میللی قادین والیبال تیمیمیزین فیوب میللتلر لیگینده شامپیون اولماسینین آردیندان تورک میللی کیشیلر والیبال تیمیمیزین ده فیوب چلنجر کاپیندا شامپیون اولماسی بیزلری غرورلاندیردی" ایفاده‌لرینه یئر وئردی.
