والیبالین سلطانلاری یاری فینالدا
دؤرددهبیر فینالدا ایتالیا ایله قارشیلاشان 'والیبالین سلطانلاری'، اویونو ۳ - ۰ قازانماغی باجاردی
تورک میللی قادین والیبال تیمی، ۲۰۲۳ قادینلار میللتلر لیگینده یولونا باشاریلارلا داوام ائدیر.
دؤرددهبیر فینالدا ایتالیا ایله قارشیلاشان 'والیبالین سلطانلاری'، اویونو ۳ - ۰ قازانماغی باجاردی.
موباریزه قارشیلیقلی ساییلارلا باشلادی.
۵-۵لیک برابرلیک سونراسی اویونا آغیرلیغینی قویان تورکیه، فرقی ۶ سایییا قدر چیخاردی.
رقیبینه دیرچلمه شانسی وئرمهیهن آی-اولدوزلولار، ستی ۲۵-۲۰ قازاندی و قارشیلاشمادا ۱-۰ اؤنه گئچدی.
ایکینجی ستده ده والیبالین سلطانلارینین اوستونلوگو واردی.
رقیبینه نیسبتله داها آز خطا ائدن تورک قیزلاری ۲۵-۱۵ ساییلیق فرقله حسابی ۲-۰یه گتیردی.
والیبالین سلطانلاری، ۳.جو ستده ده ایتالیایا شانس تانیمادی.
باشدان سونا اوستون بیر اویون اورتایا قویان تورکیه، ستی ۲۵-۱۸، یاریشانی دا ۳-۰ قازاندی.
۲۰۲۳ قادینلار میللتلر لیگینده آدینی یاری فینالا یازدیران میللی تیم اویونچولاری، ائو صاحبی آمریکا بیرلشمیش دؤولتلری ایله قارشیلاشاجاق.
بازار گونو سحره دوغرو تورکیه ساعاتی ایله ۰۳:۳۰دا اویناناجاق تورکیه- آمریکا بیرلشمیش دؤولتلری یاری فینال اویونو ترت اسپوردان جانلی یاییمنلاناجاق.
ایلگیلیلی خبرلر
آوروپا لیگینده فینالچیلار معینلشدی
یاریمفینال مرحلهسینین جاواب قارشیلاشمالاری عینی گونده و عینی واختدا کئچیریلیب.