اینگیلتره پریمیر لیگی: "آرسنال" "چلسی" اوزرینده ایناملی غلبه قازانیب

اینگیلتره پریمیر لیگی‌نین 34-جو توروندا “آرسنال” دوغما میداندا “چلسی”دن اوستون اولوب.

“لندون دربی‌سینی رابرت جونز ایداره ائدیب.

اویوندا حساب ارکن آچیلیب. 18-جی دقیقه‌ده مارتین ادگور گرانیت ژاکانین اؤتورمه‌سیندن سونرا دقیق ضربه ایله توپو دوققوزلوغا گؤندریب. 31-جی دقیقه‌ده عینی ایکی‌لی “آرسنال”ین اوستون‌لوگونو آرتیریب: ادگور دوبلا ایمضا آتیب. 3 دقیقه سونرا “توپچولار” فرقی دارماداغین حدینه چاتدیریب‌لار. بئله‌لیکله، ماتچین بیرینجی حیسه‌سی “آرسنال”ین بؤیوک اوستون‌لوگو ایله باشا چاتیب.

طرف‌لرین قارشی‌لیق‌لی هوجوم‌لاری ایله کئچن ایکینجی حیسه‌ده ایسه “چلسی” فرقی آزالدا بیلیب: 65-جی دقیقه‌ده نونی مادوکه قاپیچی آرون رمزدیلیلی مایوس ائدیب. “زادگان‌لار”ین بوتون سعی‌لرینه باخمایا‌راق، اویوندا باشقا گل لار اولماییب.

بئله‌لیکله، لندون دربیسی “آرسنال”ین اینام‌لی غلبه‌سی ایله سونا چاتیب – 3:1.