"قالاتاسارای" تورکیه کاپی ایله وداع ‌لاشدی

تورکیه کاپیندا 1/4 فینال مرحله‌سی‌نین اویون‌لاری کئچیریلیر.

بو گون داها بیر گؤروش باش توتوب.

"قالاتاسارای" "باشاکشهر"ی قبول ائدیب. بئش گل‌ون قئیده آلیندیغی ایستانبول دربی‌سینده غالیب گلن قوناق تیم  یاریم فینالا وثیقه قازانیب.

ماتچدا ایلک گل‌و قوناق‌لار ووروب‌لار. پاتریک سیش 12-جی دقیقه‌ده حسابی آچیب. میدان صاحیب‌لری 20-جی دقیقه‌ده تارازلیغی برپا ائدیب‌لر. کاان آیهان  کونج ضربه‌سی زامانی باشلا دقیق اویناییب. 30-جو دقیقه‌ده امره بلزاوغلونون مربی اولدوغو تیم دانیل الکسیچین گلی ایله یئنی‌دن اؤنه کئچیب. 9 دقیقه سونرا 43 یاش‌لی متخصص قیرمیزی ورقه ایله تکنیکی زونا‌دان قووولوب. 51-جی دقیقه‌ده "جیم-بوم"ون هئیتینده مائورو ایکاردی حسابی برابرلشدیریب. لاکین 66-جی دقیقه‌ده داها بیر دفعه فرق‌لنن سیش تیمینی یاریم فینالا داشیییب.

"باشاکشهرـ" فینالا وثیقه اوغروندا اؤتن گون "ترابزونسپور"و موباریزه‌دن کنارلاشدیرمیش "آنکاراگوجو" ایله قارشی‌لاشا‌جاق.

سونونجو یاریم فینالچی "فنرباخچا" – "کایسری سپور" معین‌لشه‌جک. بو جوتون غالیبی ایسه "سیواس سپور"لا اوز-اوزه گله‌جک. هانسی کی، سؤزوگئدن تیم اویناما‌دان یاریم فینالا یوکسلیب. بونا "غازی آنتپ"ین تورکیه-‌ده‌کی دهشت‌لی زلز‌له‌دن سونرا بو مؤوسوم اویناماق‌دان ایمتینا ائتمه‌سی سبب اولوب.

تورکیه کاپی

1/4  فینال

4  آوریل 

سیواس سپور – غازی آنتپ +:-

آنکاراگوجو – ترابزونسپور 1:3

5 آوریل

قالاتاسارای – باشاکشهر 3:2

6 آوریل

20:30  فنرباخچا – کایسری سپور