"لیورپول" "منچستر یونایتد"ا 7 جاواب‌سیز گل ایله غالیب گلیب

اینگیلتره پریمیر لیگینده 26-جی تورا یئکون وورولوب.

تورون سون اویونوندا "لیورپول" "منچستر یونایتد"ی قبول ائدیب. مئرسیساید تمثیلچی‌سی "انفیلد" ایستادیوموندا کئچیریلن قارشیلاشمادا 7 جاواب‌سیز گل ایله غلبه قازانیب.

حسابی 43-جو دقیقه‌ده کودی گاکپو آچیب. 4 دقیقه سونرا داروین نونیس قوناق‌لاری یئنی‌دن میدانین مرکزینه دعوت ائدیب. 50-جی دقیقه‌ده گاکپو دوبل ائدیب. 66-جی دقیقه‌ده محمد صلاح 4-جو توپو "قیرمیزی شیطان‌لار"ین قاپی‌سیندان کئچیریب. 75-جی دقیقه‌ده نونیس اؤزونون 2-جی، تیمی‌نین 5-جی گلونو ووروب. 83-جو دقیقه‌ده محمد صلاح دوبل ائدیب. سون نقطه‌نی ایسه 88-جی دقیقه‌ده روبرتو فیرمینو قویوب - 7:0.

بو غلبه ایله خال‌لارینی 42-یه چات‌دیران "لیورپول" 5-جی پیلله‌یه یوکسلیب. 49 خالی اولان "منچستر یونایتد" ایسه 3-جو سیرادا قرارلاشیب.

قئید ائدک کی، تورنیر جدولینه 63 خاللا "آرسنال" باشچی‌لیق ائدیر.