تورکیه-‌نین داها 3 کلوبو شامپیوناتدا چیخیشینی دایاندیردی

تورکیه-‌نین داها 3 کلوبو اؤلکه‌ده باش وئرن و چوخ سایلی اینسان ایتکیسی ایله نتیجه‌لنن زلز‌له‌یه گؤره شامپیوناتدا چیخیشینی دایاندیریب.

بونو تورکیه فوتبال فدراسیونونون صدری محمت بوگوک اکشی یئرلی مطبوعاتا آچیقلاماسیندا دئییب. او، طبیعی فلاکت‌دن ضرر گؤرموش شهرلرین تمثیلچی‌لری‌نین - 2-جی لیگدن "دیارباکیرسپور"، 3-جو لیگدن ایسه "قهرمان ماراش سپور"لا "عثمانیه سپور"ون شامپیوناتدان چکیلدیگینی بیلدیریب.

بو بؤلگه‌لره زلز‌له داها چوخ زیان ووردوغون‌دان سؤزوگئدن کلوب‌لار شامپیونات‌داکی چیخیشینی داوام ائتدیرمک اقتداریندا دئییل کلوب‌لار تورنیر جدولینده‌کی موضع لریندن آسیلی اولمایا‌راق 2023/2024 مؤوسومونده حاضیرکی لیگ لرینده موباریزه آپارا بیله‌جکر.

خاطیرلاداق کی، داها اول "حاتای سپور" و "غازی آنتپ"ین سوپرلیگده، "یئنی مالاتیاسپور"لا "آداناسپور"ون 1-جی لیگده، "آدی یامان"ین 2-جی لیگده، "نیغده آنادولو" و "مالاتیا آرگووان سپور"ون ایسه 3-جو لیگده چیخیشینی دایاندیردیغی آچیقلانمیشدی.