بریک رقصی المپیک اویونلاریندا یئر آلاجاق

بریک رقصی، ۲۰۲۴.جو ایلده پاریس‌ده ایلک دفعه المپیک اویونلاریندا یئر آلاجاق بئش یئنی قولدان بیریدیر.

بو گلیشمه اؤزو ایله رقابت ده گتیردی.

گونئی آفریقانین ژوهانسبورگ شهرینده تشکیل ائدیله‌ن اولوسلارآراسی "رقصینی گؤستر" یاریشماسیندا ۱۶ فینالیست رقص دوئلی ایله بیرینجیلیک اوغروندا موباریزه ائتدی.

سونوجدا، نیجریه‌لی کینگ داوینجی ایله ۱۹ یاشلی ژاپنلو رقاص دی سوراکی اۆز اۆزه گلدی.

بؤیوک ماراغا سبب اولان فینالدا، بیرینجیلیگی قازانان، دؤرد یاشیندان بری رقصله بؤیویه‌ن دی سوراکی اولدو.

یاریشما‌نین اوچونجو مرحله‌سی گلن ایل آلمانیانین فرانکفورت شهرینده گئچیریله‌جک.