لالیگا: "ال کلاسیکو"نو "رئال مادرید" قازاندی
ایسپانیا لالیگاسیندا 9-جو تورون گؤروشلری داوام ائدیر.
بو گون نؤوبتی "ال کلاسیکو" اوینانیلیب.
"رئال مادرید" و "بارسلونا" تیم لری لا لیگانین دوققوزونجو توروندا اوز-اوزه گلیبلر.
رقیبلر "سانتیاگو برنابئو"داکی گؤروشه شامپیوناتین شریکلی لیدئرلری کیمی چیخیبلار. کریم بنزما 12-جی دقیقهده "رئال مادرید"ی حسابدا اؤنه چیخاریب. گؤروشون 35-جی دقیقهسینده فده والورده حساب آراسینداکی فرقی آرتیریب. ماتچین 83-جو دقیقهسینده "بارسلونا"نین فوتبولچوسو فران تورس فرقلنیب. رودریگو نون اوزاتما دقیقهلریندهکی پنالتی ضربهسی ایسه "رئال مادرید"ا 3:1 حسابلی غلبه قازاندیریب.
قئید ائدک کی، 9 توردان سونرا "رئال" 25 امتیاز ایله تورنیر جدولینده بیرینجی، "بارسلونا" ایسه 22 امتیاز ایله ایکینجی پیلهده قرارلاشیب.
ایسپانیا لالیگاسی
9-جو تور
16 اوکتبر
سلتاویگو - رئال سوسیداد 2:1
رئال مادرید - بارسلونا 1:3
اسپانیول – وایااولید 0:1
رئال بتیس - آلمریا 1:3
15 اوکتبر
خیرونا – کادیز 1:1
والنسیا – الچه 2:2
مایورکا – سویا 1:0
آتلتیک بیلبائو– آتلتیکو مادرید 1:0
14 اوکتبر
رایو والکانو – ختافه 0:0
17 اوکتبر
ویارئال – اوساسونا