تۆرک میللی تیمی دونیا شامپیونو اولدو
ایستانبولون ائو صاحبلیگی ائتدیگی یاریشمالارین فینالیندا تۆرک تیمی آنگولا ایله قارشی قارشییا گلدی
معلوللار فوتبال میللی تیمی ایستانبولدا تشکیل ائدیلن ۲۰۲۲ دونیا شامپیوناسینین فینال اویونوندا آنگولانی ۴:۱ حسابی ایله مغلوب ائدرک دونیا شامپیونو اولدو.
ایستانبولون ائو صاحبلیگی ائتدیگی یاریشمالارین فینالیندا تۆرک تیمی آنگولا ایله قارشی قارشییا گلدی.
تخمیناً ۱۵ مین فوتبال سئورین ایزلهدیگی فینال اویونونا آنگولا داها گۆجلو باشلادی.
آنجاق تۆرک اویونچولار قارشیلاشمادا قیسا سۆرهده دنگه قوردو و ۱۹.جو دقیقهده عمر گۆلریۆزون ووردوغو گللا ۱-۰ اؤنه گئچدی.
آنگولا اویونون ۲۴.جو دقیقهسینده هئنو آدائونون سربست ووروشدان گلو ایله حسابی ۱-۱ ائتدی.
ایکینجی یارییا یاخشی باشلایان تۆرکیه، ۲۹.جو دقیقهده پنالتی آلدی.
رحمی اؤزجانین گوجلو ووروشویلا تۆرک تیمیی اؤنه گئچدی.
تۆرک اویونچولار، ۴۳.جو دقیقهده رحمی ایله بیر گل داها ووراراق فرقی ایکییه چیخارتدی.
اویونون ۴۹.جو دقیقهسینده سرکان درهلینین گلو ایله تۆرک تیمی ۴-۱ حسابی ایله دونیا شامپیونو اولدو.