تورکیه-نین قادین والیبال تیمی آلمانیانی 3:0 حسابی ایله مغلوب ائدیب

تورکیه-نین  قادین والیبال تیمی FIVB دونیا شامپیوناتی‌نین 2-جی تور F قروپونون ایلک اویونوندا آلمانیانی 3:0 حسابی ایله مغلوب ائدیب.

بو نتیجه ایله تورکیه میللیسی کئچیردیگی 6 ماتچدا 5-جی غلبه‌سینی قازانیب.

لهستان-ین لودوز شهرینده کئچیریلن مسابیقه لرده هانده بالادین و صالحا شاهین‌ین تأثیرلی اویونو ایله فرقی بئشه قدر چیخاران موباریزه‌ده ایلک ستی 25-21 قازاندی.

ایکینجی ستده دؤرد امتیاز گئری دوشمه‌سینه باخمایا‌راق، ادا اردم دوندار، جانسو اؤزبای و زهرا گونش ین الده ائتدیگی امتیازلا ایله اؤنه کئچیب و ایکینجی ستی 25-18 اؤنده تاماملاییب.

موسابیقه بویونجا گئریدن گلمه سینی بیلن میللیلر سون ستده عینی وضعیتی یاشاسا دا، ستی 25-21، ماتچی ایسه 3-0 قازانیب.

میللی‌لرین ماتچ جدو‌لی و یاییم ساعت‌لاری:

بو گون:

18:30 تورکیه واختی ایله) تورکیه – کانادا) | ترت اسپورت

جمعه، 7 اوکتبر:

18:30 تورکیه واختی ایله(امریکا – تورکیه) | ترت اسپورت

8 اوکتبر شنبه:

18:30 تورکیه واختی ایله (صربیستان – تورکیه ) | ترت اسپور ییلدیز