باشلاما ووروشو اردوغان‌دان
تورک شیرکتلری طرفیندن تیکیلن سنگال ایستادیومونون آچیلیش مراسیمینده ایشتیراک ائد‌ن اردوغان، دوستلوق اویونونو باشلاتدی
سنگال ایستادیومو آچیلیشیندا باشلانغیج ووروشو جمهورباشقانی اردوغان‌دان گلدی.
سنگال رسمی سفری چرچیوه‌سینده، تورک شیرکتلری طرفیندن تیکیلن سنگال ایستادیومونون آچیلیش مراسیمینده ایشتیراک ائد‌ن اردوغان، دوستلوق اویونونو باشلاتدی.
سنگالین باشکندی داکارا تخمیناً ۳۰ کیلومتر مسافه‌ده‌کی دیامنیادیو بؤلگه‌سینده اولان ۵۰ مین نفر توتوملو ایستادیوم، ۱۷ آی کیمی قیسا بیر مدتده تورک شیرکتلری طرفیندن تیکیلدی.
ایستادیوما گیریشین‌ده وطنداشلاری سلاملایان جمهورباشقانی اردوغانا سنگال جمهورباشقانی مکی سال و حیات یولداشی ماریاما فایا سال مشایعت ائتدی.
آچیلیش مراسیمینده گینه بیسائو جمهورباشقانی "اومارو سیسوکو امبالو، رواندا جمهورباشقانی پل کاگامه، لیبریا جمهورباشقانی ژرژ وه‌آ و گامبییا جمهورباشقانی آداما بارووون یانی سیرا اسکی فوتبالچیلاردان دیدیه دروگبا دا ایشتیراک ائتدی.
مراسیمده دانیشا‌ن فیفا باشقانی جانی اینفانتینو، ایستادیومو تیکه‌ن شیرکته تورکجه تشکر ائتدی.
