آمریکالی ایدمانچی، چین آدینا یاریشدی

آمریکانین دیپلوماتیک بایکوت ائتدیگی پکن‌ده‌کی قیش المپیک اویونلارین‌دا آمریکالی اسکی ایدمانچیسی ائلین گو، چین آدینا یاریشاراق قیزیل مدال قازاندی، دونیانین دانیشدیغی ایدمانچی اولدو.

داها اؤنجه آمریکا بیرلشمیش دؤولتلری آدینا یاریشان آنجاق گئچدیگیمیز ایللرده چین آدینا یاریشمالارا قاتیلماغا باشلایان، آمریکالی بیر آتا، چینلی بیر آنانین قیزی اولان ایدمانچینین بو سئچیمی، دوغولدوغو اؤلکه آمریکادا انفعال اویاندیر‌دی.

۲۰۲۲ قیش المپیک اویونلارینین پکن‌ده تشکیل ائدیلمه‌سی، آمریکا بیرلشمیش دؤولتلرینین بو اویونلاری دیپلوماتیک بایکوت ائتمه‌سی ایله ائلین گو بیر آندا دقت مرکزینه چئوریلدی

گنج ایدمانچی دونن اویونلاردا ایلک دفعه صحنه‌یه چیخان سربست ایستیل بیگ ایرده کورسونون ایلک سیراسینا چیخاراق تاریخه گئچدی.

سان فرانسیسکودا دوغولان ائلین گو "۱۸ یاشین‌دا بیر قیز اولاراق بورادا حیاتیمین ان یاخشی آنینی یاشاییرام" دئدی.

گؤزللیگی ایله دقت چکن رد بول ایدمانچی‌سی ائلین گونون رکلاملاردان قازاندیغی مقدار دا مئدیادا گوندمده.

ایدمانچینین، بو گونه قدر رکلام و اسپانسیرلردن تخمیناً ۱۲ میلیون استرلینگ قازاندیغی دانیشیلیر.