ائدا اردم دوندار آوروپا والیبال شامپیوناسینین رؤیا تیمینده

تورک ملی قادین والیبال تیمی و فنرباخچانین کاپیتانی ائدا اردم دوندار، ۲۰۲۱ آوروپا والیبال شامپیوناسینین ان یاخشی اویونچولاری آراسینا آدینی یازدیردی.

آوروپا والیبال کنفدراسیونو طرفین‌دن تورنمنتین ان یاخشی اویونچولارینین تعیین اولونماسی اوچون آچیلان سوروغو نتیجه‌له‌ندی.

ان یاخشی اورتا اویونچو کتگوریسینده رقیبلری صرب میلنا راسیج، ایتالیالی کریستینا چیریچللا و هلندلی ژولیت لوهویسی گئری‌ده بوراخاراق سسلرین یوزده ۵۴،۶سینی آلان ائدا ارد‌م دوندار، تورنمنتین رؤیا تیمین‌ده یئر آلدی.

سون دؤرد آوروپا شامپیوناسین‌دا بو کتگوریده ان یاخشی اویونچو عنوانینی الده ائد‌ن ائدا، بونو باجاران ایلک ایدمانچی اولدو.

تورک قیزلاری، اوچونجولوک اویونون‌دا هلندی ۳-۰ مغلوب ائد‌رک برنز مدال آلمیشدی.