المپیک اویونلاریندا مدال سیرالاماسی
توکیو ۲۰۲۰، تورکیه‌نین ان چوخ مدال قازاندیغی المپیک اویونلاری اولاراق تاریخه گئچدی
توکیو اولمپیک اویونلاری باشا چاتدی.
آمریکا اویونلاری ۱۱۳ مداللا ذیروه‌ده باشا ووردو.
آمریکا ایدمان‌چیلاری ۳۹ قیزیل، ۴۱ گوموش و ۳۳ برنز اولماقلا ۱۱۳ مدال آلدی.
چین ۸۸ مداللا ایکینجی یئری توتدو. چین‌لی ایدمان‌چیلار ۳۸ قیزیل، ۳۲ گوموش و ۱۸ برنز مدال قازاندبلار.
ائو صاحبی ژاپن ۲۷ قیزیل، ۱۴ گوموش و ۱۷ برنز مداللا اوچونجو اولدو. بؤیوک بریتانیا ۲۲ قیزیل، ۲۱ گوموش و ۲۲ برنز مداللا دؤردونجو اولدو. روسیا المپیک کمیته‌سی ۲۰ قیزیل، ۲۸ گوموش و ۲۳ برنز مداللا بئشینجی اولدو. ۷۱ دفعه مدال سئوینجینی یاشایان روس ایدمان‌چیلار، سیستماتیک دوپینگدن دولایی المپیک اویونلاریندا اؤلکه اولاراق یئر آلمادی.
تورکییه مدال لیستینده ۳۵.جی اولدو. تورک ایدمان‌چیلاریمیز ۲ قیزیل، ۲ گوموش و ۹ برنز اولماقلا توپلامدا ۱۳ مدال قازاندی.
توکیو ۲۰۲۰، تورکیه‌نین ان چوخ مدال قازاندیغی المپیک اویونلاری اولاراق تاریخه گئچدی.
