پرسپولیسین قاپیچیسیندان تبریزلی توپ توپلایان گنجه آغیر حقارت

ایرانین پرسپولیس تیمینین قاپیچیسی حامد لک، ماشین سازی تیمی ایله تبریزده اوینانان اویوندا، ساحه کناریندا توپ توپلایان گنجه آغزا آلینمایاجاق سؤیوشلر سؤیدو.
سوسیال مئدیادا یاییملانان ویدیودا، ماشین سازی ایله پرسپولیس آراسیندا تبریزده اوینانان اویوندا، حامد لکین، ساحه کناریندا دوران توپ توپلایان گنجه رکیک کلمه‌لرله سؤیدوغو گؤرونتولری یئر آلیر.
تهرانلی اویونچونون قوناق اولدوغو شهرده ادب دیشی و بیر ایدمانچییا یاراشمایان داورانیشی، آذربایجانلی سوسیال مئدیا استفاده‌چی‌لرینین تپکیسینه ندن اولدو.

بو اویونو پرسپولیس ۵ -۰ سونوجو ایله قازانمیشدی.