بو گون "یورو-2020"نین ایکینجی فینالچیسی معینلشهجک
لوندونداکی "ومبلی" ایستادیوموندا کئچیریلهجک ایکینجی یاریم فینال گؤروشونو هولاندیا-دان اولان داور دانی ماکلی ایداره ائدهجک.
جولایین 7-ده تورکیه واختی ایله ساعات 22:00-دا باشلایاجاق اینگیلتره - دانیمارکا موسابیقهسی نتیجهسینده فوتبال اوزره 16-جی آوروپا شامپیوناتینین ایکینجی فینالچیسی معینلشهجک.
لوندونداکی "ومبلی" ایستادیوموندا کئچیریلهجک ایکینجی یاریم فینال گؤروشونو هولاندیا-دان اولان داور دنی ماکلی ایداره ائدهجک.
بو تیم لر ایندییهدک رسمی تورنیرلرده 23 دفعه قارشیلاشیبلار. همین گؤروشلرین 13-ده اینگیلتره، 5-ده دانیمارکا غالیب گلیب، 5 اویون هئچ-هئچه باشا چاتیب. توپ فرقینده اینگیلتره میللیسینین بؤیوک اوستونلوگو وار – 39:23.
"یورو-2020"ده قاپیسینی توخونولماز ساخلاماغی باجاران یگانه تیم اولان اینگیلتره سئچمهسی د قروپوندا کرواسی و چکیا میللیلرینه مینیموم حسابلا غالیب گلیب، اسکاتلند ایله گل سوز هئچ-هئچه ائدیب. تیم سککیزدبیر فینالدا آلمانیانی (2:0)، دؤرددبیر فینالدا ایسه اوکراینانی (4:0) موباریزهدن کنارلاشدیریب.
موباریزهیه ب قروپوندا باشلایان دانیمارکا ییغماسی ایسه ایلک ایکی گؤروشده فینلاندیایا (0:1) و بلژیکه (1:2) اودوزسا دا، سونونجو اویوندا روسیانی 4:1 حسابی ایله مغلوب ائتدیگیندن توپ فرقینه گؤره قروپ ایکینجیسی کیمی سککیزدبیر فینالا یوکسلیب. دانیمارکالیلار سککیزدبیر فینالدا ولزی 4:0 حسابی ایله مغلوب ائدهرک دؤرددبیر فینالا وثیقه قازانیبلار. تیم باکی المپیک ایستادیوموندا اوینادیغی دؤرددبیر فینال گؤروشونده چکیایا 2:1 حسابی ایله غالیب گلهرک یاریم فینالا وثیقه قازانیب.
یاریم فینال مرحلهسینین بیرینجی اویونوندا ایتالیا و ایسپانیا ییغمالاری قارشیلاشیبلار. اساس واختی 1:1 حسابی ایله باشا چاتان گؤروشده ایتالیا میللیسی 11 مترلیک جریمه ضربهلری سری سینده 4:2 حسابی ایله غالیب گلیب.
"یورو-2020"نین فینال گوروشو جولایین 11-ده "ومبلی" ایستادیوموندا کئچیریلهجک. گؤروش تورکیه واختی ایله ساعات 22:00-دا باشلایاجاق.