تورکیه سوپرلیگی: "بشیکتاش" آنتالیا-دا برابره قالیب

فوریه‌نین 3-ده فوتبول عذره تورکیه شامپیوناتی‌نین 23-جو تورو چرچیوه‌سینده کئچیریلن قارشیلاشمادا "آنتالیاسپور" دوغما میداندا "بشیکتاش"ی قبول ائدیب.

قارشی‌لیق‌لی هوجوم‌لار شرایطینده کئچن گؤروشده قالیب معینلشمه‌ییب - 1:1. "آنتالیاسپور"ون هئیتینده گؤک دنیز بایراکتار (39) فرقلنیب. ایستانبول تمثیلچی‌سی‌نین گل‌ونو ایسه داماگوی ویدا ووروب.

گونون دیگر اویون‌لاری‌نین نتیجه‌لری آشاغی‌داکی‌لاردیر:

"سیواس سپور" – "ارضروم سپور" - 0:0؛

"فاتح کاراگومروک" – "غازی آنتپ"- 0:2؛

"کایسری سپور" – "آلانیاسپور" - 1:1؛

"کونیاسپور" – "گنجلربیرلیگی" - 0:0؛

23-جو تورا فوریه نین 4-ده یئکون وورولا‌جاق.

حاضیردا تورکیه سوپرلیگی‌نین جدولینه 48 امتیازلا "فنرباغچا" باشچی‌لیق ائدیر. ایکینجی پیلله‌ده 45 امتیاز توپلایان "قالاتاسارای"، اوچونجو پیلله‌ده ایسه اونونلا عینی امتیازا مالیک اولان "بشیکتاش" قرارلاشیب.

قئید ائدک کی، یئنی مؤوسومده سوپرلیگده 21 تیم یاریشیر. 23-جو توردا "آنکاراگوجو" استراحت ائدیر.