تورکیه سوپرلیگی: "فنرباغچا" و "باشاکشهر" غلبه قازانیبلار
ژوئیه نین 4-ده فوتبول عذره تورکیه شامپیوناتینین 30-جو تورو چرچیوهسینده کئچیریلن قارشیلاشمادا "فنرباغچا" دوغما میداندا "گؤزتپه"نی قبول ائدیب.
ژوئیه نین 4-ده فوتبول عذره تورکیه شامپیوناتینین 30-جو تورو چرچیوهسینده کئچیریلن قارشیلاشمادا "فنرباغچا" دوغما میداندا "گؤزتپه"نی قبول ائدیب.
ماراقلی کئچن قارشیلاشمادا حسابی میدان صاحبلرینین یاریم مودافعهچیسی فردی کادی اوغلو آچیب. بیرینجی حیسهنین سونلاریندا فردی کادی اوغلو تیمینین و اؤزونون ایکینجی قولونو ووروب. گؤروشون 66-جی دقیقهسینده قوناقلارین یاریم مودافعهچیسی سونر آیدوغدو وورولان قوللاردان بیرینین عوضینی چیخسا دا، "گؤزتپه"نین بوندان آرتیغینا گوجو چاتماییب.
بئلهلیکله، گؤروش 2:1 حسابی ایله "فنرباغچا"نین خئیرینه بیتیب.
گونون دیگر موسابیقه لرینده "باشاکشهر" سفرده "آنتالیاسپور"و 2:0 حسابی ایله مغلوب ائدیب. "آنکاراگوجو" ایسه دوغما دیوارلار آراسیندا 1:4 حسابی ایله "آلانیاسپور"ا اودوزوب. "یئنی مالاتیاسپور" - "گنجلربیرلیگی" قارشیلاشماسیندا ایسه قاپیلارا قول وورولماییب.
بوندان علاوه، توردا ژوئن نین 5-ده "کاسیم پاشا" - "سیواس سپور"، "کونیاسپور" - "ریزه سپور"، "قالاتاسارای" – "ترابزونسپور" تیمی لری قارشیلاشاجاق. 30-جو تورا ژوئیه نین 6-دا "کایسری سپور" –"بشیکتاش" گؤروشو ایله یئکون وورولاجاق.
تورکیه شمپیوناتیندا حاضیردا "باشاکشهر" 63 امتیازلا تورنیر جدولینین لیدریدیر. "ترابزونسپور" 58 امتیازلا ایکینجیدیر. "سیواس سپور" 53 امتیازلا اوچونجو، "قالاتاسارای" کلوبو ایسه 52 امتیازلا دؤردونجو پیللهده قرارلاشیب. سونراکی یئرلرده "بشیکتاش" (50 امتیاز)، "فنرباغچا" (49 امتیاز)، "آلانیاسپور" (48 امتیاز) و دیگر تیم لر گلیر.
ایلگیلیلی خبرلر
آوروپا لیگینده فینالچیلار معینلشدی
یاریمفینال مرحلهسینین جاواب قارشیلاشمالاری عینی گونده و عینی واختدا کئچیریلیب.