تورکیه سوپرلیگی: "باشاکشهر" – "قالاتاسارای" موسابیقه سینده غالیب معینلشمه‌ییب

فوتبول عذره تورکیه شامپیوناتی‌نین 29-جو تورو چرچیوه‌سینده کئچیریلن قارشیلاشمادا لیدر "باشاکشهر" دوغما میداندا "قالاتاسارای"ی قبول ائدیب.

ماراقلی کئچن قارشیلاشمانین بیرینجی حیسه‌سینده قاپی‌لار توخونولماز قالیب. حسابی ایکینجی حیسه‌نین 51-جی دقیقه‌سینده میدان صاحب‌لری‌نین اویونجوسو دانیل آلکسیک آچیب. لاکین قوناق‌لارین فوتبولچوسو امره آکبابا حسابا تارازلیق گتیریب. بو اویوندا وورولان سون قول اولوب.

بئله‌لیکله، "باشاکشهر" - "قالاتاسارای" موسابیقه سینده غالیب معینلشمه‌ییب.

قئید ائدک کی، همین گؤروشده حاکم فوتبولچولارا 7 ساری و بیر قیرمیزی ورقه گؤستریب.

گونون دیگر "ریزه سپور" - "دنیزلی سپور" موسابیقه سینده 2:2، "غازی آنتپ سپور" - "آنتالیاسپور" گؤروشونده ایسه 1:1 حسابلی هئچ-هئچه قئیده آلینیب. "سیواس سپور" ایسه دوغما میداندا "کایسری سپور"ا 0:2 حسابی ایله مغلوب اولوب.

29-جو تورا ژوئن آیی نین 29-دا "گنجلربیرلیگی" – "کاسیم پاشا" گؤروشو ایله یئکون وورولا‌جاق.

تورکیه شامپیوناتیندا حاضیردا "باشاکشهر" 60 امتیازلا تورنیر جدو‌لی‌نین لیدری‌دیر. "ترابزونسپور" 58 امتیازلا ایکینجی‌دیر. "سیواس سپور" 53 امتیازلا اوچونجو، "قالاتاسارای" کلوبو ایسه 52 امتیازلا دؤردونجو پیلله‌ده قرارلاشیب.