“قالاتاسارای”-“غازی آنتپ” قارشیلاشماسیندا قاپیلارا آلتی قول وورولوب
فوتبول عذره تورکیه شامپیوناتینین 28-جی تورو چرچیوهسینده کئچیریلن قارشیلاشمادا “قالاتاسارای” دوغما میداندا “غازی آنتپ”ی قبول ائدیب.
فوتبول عذره تورکیه شامپیوناتینین 28-جی تورو چرچیوهسینده کئچیریلن قارشیلاشمادا “قالاتاسارای” دوغما میداندا “غازی آنتپ”ی قبول ائدیب.
گرگین کئچن گؤروشده طرفلر هر بیری اوچ توپ ووراراق هئچ-هئچه ائدیبلر. “قالاتاسارای”ین قوللارینی رادمل فالکاو (36)، یونیس بئلهاندا (40) و سوفیان فقولی ووروب. قوناقلارین هئیتینده ایسه پاپی دژیلوبودژی (17)، پاتریک تووماسی (78) و آلکساندرو ماکسیم (90+14) فرقلنیبلر. همچنین میدان صاحبلرینین هئیتینده احمد چئلیک 56-جی دقیقهده قیرمیزی ورقه آلاراق تیمینی میداندا آزلیقدا قویوب.
گونون دیگر اویونلاریندا “کونیاسپور” دوغما دیوارلار آراسیندا “سیواس سپور”لا هئچ-هئچه ائدیب - 2:2. “فنرباغچا” ایسه سفرده “کاسیم پاشا”یا 2:0 حسابی ایله اودوزوب.
28-جی تورا ژوئن آیی نین 22-ده “آلانیاسپور” – “ترابزونسپور” و “آنتالیاسپور” – “ریزه سپور” گؤروشلری ایله یئکون وورولاجاق.
تورکیه شامپیوناتیندا حاضیردا “باشاکشهیر” 59 امتیازلا تورنیر جدوهلینین لیدریدیر. اوندان بیر اویون آز کئچیرمیش “ترابزونسپور” 56 امتیازلا ایکینجیدیر. "سیواس سپور" 53 امتیازلا اوچونجو، “قالاتاسارای” کلوبو ایسه 51 امتیازلا دؤردونجو پیللهده قرارلاشیب. سونراکی یئرلرده “بشیکتاش” (47 امتیاز)، “آلانیاسپور” (43 امتیاز)، “فنرباغچا” (43 امتیاز) و دیگر تیملر گلیر.