"بایرن مونیخ"دن دارماداغین، "قالاتاسارای" پاری سن ژرمنه اودوزدو

شامپیونلار لیگینده بو گون قروپ مرحله‌سینده ایکینجی تورون اویون‌لارینا ایستارت وئریلیب.

ایلک اویون گونونده 8 قارشیلاشما کئچیریلیب.

A، B، C و D قروپ‌لاریندا موباریزه آپاران تیملر ایکینجی موسابیقه لرینه چیخیب‌لار. اولکه میزین قاره نین ان نفوذلو کلوب تورنیرین‌دکی یگانه تمثیلچی‌سی "قالاتاسارای" ایلک ائو اویونوندا قوه‌سینی سیناییب.

A قروپوندا موباریزه آپاران ایستانبول کلوبو پاری سن ژرمن-نی قبول ائدیب. قوناق‌لارین آشکار اوستون‌لوگو ایله کئچن ایلک 45 دقیقه‌ده قول وورولماییب. فاصیله‌دن سونرا ماورو ایکاردی حسابی آچیب. بو قول موسابیقه نین تالعینی حل ائدیب. بوراخیلان توپ‌دان سونرا فعال‌لاشان "قالاتاسارای" برابرلیک قولونو وورا بیلمه‌یه‌رک ایلک مغلوبیتینی آلیب.

بو قروپون دیگر گؤروشونده "رئال" "کلوب بروژ" ایله قارشیلاشیب. ایسپانیا تمثیلچی‌سی مغلوبیت‌دن چتین‌لیکله خلاص اولوب – 2:2.

B قروپوندا "بایرن مونیخ" ایکینجی غلبه‌سینی "تاتنهام"له سفر موسابیقه سینده الده ائدیب. 9 قولون وورولدوغو گؤروشده آلمانیا تمثیلچی‌سی رقیبینی دارماداغینا معروض قویوب – 7:2.

C قروپوندا "آتالانتا" "شاختار"ا دا اودوزوب. "منچستر سیتی" ایسه زاگرب دیناموسو اوزرینده غلبه ایله لیدرلیگی اله کئچیریب.

D قروپونون هر ایکی گؤروشونده فاوریت‌لر غالیب گلیب. "یوونتوس" "بایرن لورکوزن"ی اوچ، "آتلتیکو" "لوکوموتیو"ی ایکی جاواب‌سیز قوللا اوسته‌له‌ییب.

قئید ائدک کی، تورا اوکتبرین 2-ده کئچیریله‌جک E، F، G و H قروپ‌لاری‌نین 8 اویونو ایله یئکون وورولا‌جاق.

شامپیونلار لیگی

1 اوکتبر

قروپ مرحله‌سی، ایکینجی تور

A قروپو

"رئال مادرید" - " کلوب بروژ" (بئلچیکا)- 2:2

"قالاتاسارای" – پاری سن ژرمن  - 1:0

B قروپو

"قیزیل یلدیز" - "الیمپیاکوس" - 1:3

"تاتنهام" - "بایرن مونیخ"  - 7:2

C قروپو

"آتالانتا" - "شاختار" (دونتسک، اوکراینا) - 2:1

"منچستر سیتی" - "دینامو" (زاگرب، کرواسی) - 2:0

د قروپو

"یوونتوس" - "بایرلورکوزن" - 3:0

"لوکوموتیو" - "آتلتیکو" - 0:2