"فولهام"ین فوتبولچوسو "قالاتاسارای"دا

"قالاتاسارای" "فولهام"ین فوتبولچوسو ژان میشل سرینی ایجاره‌یه گؤتوروب.

27 یاش‌لی یاریم مودافیچی 2019/2020 مؤوسومونده ایجاره اساسیندا ایستانبول تمثیلچی‌سینده اوینایا‌جاق. او، یئنی کلوبوندا بیر مؤوسوم اوچون 2.8 میلیون یورو معاش آلا‌جاق. "جیم-بوم" "فولهام"ا 1.5 میلیون یورو ایجاره حاقی اؤده‌یه‌جک.

قئید ائدک کی، "قالاتاسارای" نوبتی مؤوسومون سونو 18 میلیون یورو وئره‌رک سرینی بیردفعه‌لیک آلا بیلر.

قئید ائدک کی، سری 2018-جی ایلده "نیتسا"دان "فولهام"ا 30 میلیون یورویا ترانسفر اولونوب. اؤتن مؤوسوم 34 رسمی اویونا چیخان فوتبولچو 1 قول ووروب و 3 محصولدار اؤتورمه ائدیب.