آوروپا لیگی‌نین 1/4 فینا‌لی‌نین ایلک اویون‌لاری کئچیریلیب

"چلسی" فوتبول کلوبو سفر موسابیقه سینده چکیانین "سلاویا" تیمینه 0:1 حسابی ایله غالیب گلیب.

اویون آوروپا لیگی‌نین 1/4 فینال مرحله‌سی چرچیوه‌سینده کئچیریلیب.

اویونون یگانه قولونو 86-جی دقیقه‌ده لندن-لیلرین مودافعه‌چی‌سی مارکوس آلونسو ووروب. بو تیملر آراسیندا کئچیریلن ایلک گؤروش‌دور.

قئید ائدک کی، تیملر آراسیندا جاواب قارشیلاشماسی آوریلین 18-ده کئچیریله‌جک.

"آرسنال" فوتبول کلوبو آوروپا لیگی‌نین 1/4 فینال مرحله‌سی چرچیوه‌سینده 2:0 حسابی ایله ایتالیانین "ناپولی" تیمینه غالیب گلیب.

اویون "امیریتس" ایستادیونوندا باش توتوب.

موسابیقه ده ایلک قولو 15-جی دقیقه‌ده آرون رمزی ووروب. ایکینجی قولو ایسه 25-جی دقیقه‌ده اؤز قاپی‌سینا ناپولی‌نین مودافعه چی‌سی کالیدو کولیبا‌لی ووروب.

قئید ائدک کی، تیملر آراسیندا جاواب قارشیلاشماسی آوریلین 18-ده کئچیریله‌جک.

آوروپا لیگی

1/4 فینال، ایلک اویون‌لار

11  آوریل

"آرسنال" (اینگیلتره) - "ناپولی" (ایتالیا) - 0:2

"سلاویا" (چکیا) - "چلسی" (اینگیلتره) - 1:0

"ویارئال" (ایسپانیا) - "والنسیا" (ایسپانیا) - 3:1

"بنفیکا" (پورتوقالیا) - "آینتراخت" (آلمانیا) - 2:4