لیونل مسی ملی تیمه چاغریلدی
تیمده یئر آلان لیونل مسینین تخمیناً ۹ آی سونرا میلی تیمه چاغیریلماسی دقت چکدی.
آرژانتین میلی تیمینین ونزوئلا و مراکش ایله اوینایاجاغی دوستلوق اویونلارینین ترکیبینه لیونل مسی ده چاغیریلدی.
بارسلونادا اوینایان ۳۱ یاشین‌داکی اولدوز فوتبالچی، ۹ آی سونرا آرژانتین میلی تیمین‌ده.
آرژانتین فوتبال فدراسیونو (آفا)، ۲۲ مارس‌دا ونزوئلا و ۲۶ مارس‌دا مراکش ایله اویناناجاق دوستلوق اویونلارینین اویونچولارینی آچیقلادی.
تیمده یئر آلان لیونل مسینین تخمیناً ۹ آی سونرا میلی تیمه چاغیریلماسی دقت چکدی.
مسی سون اولاراق، ۳۰ ژوئن ۲۰۱۸.جی ایلده روسیاداکی دونیا کاپینین دؤردده‌بیر فینالین‌دا آرژانتینین فرانساایا ۴-۳ مغلوب اولدوغو اویون‌دا میلی تیمده ایدی.
دیگر طرف‌دن ایسپانیا مطبوعاتی، مسینین یالنیز ۲۲ مارس‌دا مادریدده‌کی واندا متروپولیتانا ایستادیومون‌دا ائدیله‌جک ونزوئلا اویونین‌دا اوینایاجاغینی آنجاق تانجاداکی مراکس اویونونا گئتمه‌یه‌جگینی ادعا ائتدی.
آرژانتین میلی تیمی مربیسی لیونل اسکالونی ایسه بونا باغلی ژورنالیستلرین سوالینا، "لئو تیمه آلیندی. بیر اویون مو یوخسا ایکی اویون مو اوینایاجاق داها سونراسین‌دا گؤرجییک. بو قراری من آلاجاغام" شکلین‌ده جاواب وئردی.
اسکالونی آیریجا، آرژانتین میلی تیمینین مسینین اوینادیغی تورنمنتلرده دؤرد دفعه فینالا قالدیغینی (۲۰۱۴ برزیل دونیا کاپی، ۲۰۰۷، ۲۰۱۵ و ۲۰۱۶ آمریکا کاپی) خاطیرلاداراق، "لازیم اولان زامانلاردا مسیدن ایستیفاده ائتمه‌یی بیلدییمیزی سانیرام. اونونلا آمریکا کاپین‌دا ۳ فینال اوینادیق و چوخ آز بیر فرقله اودوزدوق" دئدی.
بو آرادا آرژانتین میللی تیمینین ونزوئلا و مراکش اویونلاری اوچون آچیقلانان ترکیبینده سرخیو آگوئرونون یئر آلمادیغی گؤرولدو.
ایلگیلی‌لی خبرلر
شامپیون‌لار لیگی: هفته‌نین ان یاخشی گولونا نامیزدلر آچیقلانیب
یوفا شامپیون‌لار لیگینده هفته‌نین ان یاخشی گولونا نامیزدلر آچیقلانیب.
