آوروپانین ان یاخشی فوتبالچیسی سئچیلدی
رئال مادریددن کریستیانو رونالدو، تیم یولداشی لوکا مودریچ ایله لیورپولون مصرلی اولدوزو محمد صالحین نامیزد گؤستریلدیگی اؤدول، صاحبینه قوووشدو
۲۰۱۷-۲۰۱۸ مؤوسومو "یوفا آوروپادا ایلین ان یاخشی فوتبالچیسی" اؤدولونو، رئال مادریدین کرواسیلی فوتبالچیسی لوکا مودریچ قازاندی.
موناکوداکی گریمالدی فورومدا گئچیریلهن یوفا شامپیونلار لیگی قروپ قرعه چکیلیشینین آردیندان، رئال مادریددن کریستیانو رونالدو، تیم یولداشی لوکا مودریچ ایله لیورپولون مصرلی اولدوزو محمد صالحین نامیزد گؤستریلدیگی اؤدول، صاحبینه قوووشدو.
یوفایا عضو ۵۵ اؤلکهدن ژورنالیستلرین و ۲۰۱۷-۲۰۱۸ مؤوسومونده یوفا شامپیونلار لیگی ایله آوروپا لیگی قروپلارینداکی تیملرین باشیندا یئر آلان ۸۰ مربینین ایشتیراک ائتدیگی سسوئرمه سونراسی رقیبلرینی گئریده قویان مودریچ، آوروپادا ۲۰۱۷-۲۰۱۸ مؤوسومونون ان یاخشی فوتبالچیسی سئچیلدی.
۲۰۱۲.جی ایلدهن بو یانا فورماسینی گئیدیگی رئال مادرید ایله یوفا شامپیونلار لیگینده ۴، لیگده ده ۱ دفعه شامپیونلوق سئوینجی یاشایان ۳۲ یاشینداکی مودریچ، روسیادا گئچیریلهن ۲۰۱۸ فیفا دونیا کاپیندا کرواسی میللی تیمی ایله فینال اویناماق اوغورو گؤستردی.
دیگر طرفدن، یوفا شامپیونلار لیگی ۲۰۱۷-۲۰۱۸ مؤوسومونون ان یاخشی قاپیچیسی رئال مادریددن کیلور ناواس، ان یاخشی ساوونما رئال مادریددن سرجیو راموس، ان یاخشی اورتا ساحه اویونچوسو عینی تیمدن لوکا مودریچ و ان یاخشی هوجومچو کریستیانو رونالدو اولاراق آچیقلاندی.
ایلگیلیلی خبرلر
آوروپا لیگینده فینالچیلار معینلشدی
یاریمفینال مرحلهسینین جاواب قارشیلاشمالاری عینی گونده و عینی واختدا کئچیریلیب.
آوروپا لیگینده فینالچیلار معینلشیر
یاریمفینال مرحلهسینین جاواب قارشیلاشمالاری عینی گونده و عینی واختدا کئچیریلهجک.