تورک قیزلاریندان مدال اوستونه مدال

ایستانبول‌دا دوزنلنن۲۳ یاش آلتی گولش آوروپا شامپیوناسین‌دا میلی اسپورجو بوسه توسون، قیزیل مدال قازاندی.

یاریشمالارین ۴.جو گونون‌ده قادینلار ۵۰، ۵۵، ۵۹، ۶۸ و ۷۶ کیلوگرام‌دا فینال قارشیلاشمالاری اولدو.

قادینلار ۶۸ کیلو فینالین‌دا بوسه توسون، روسیالی خانیم ولی‌یئوا ایله قارشیلاشدی. بؤیوکلرده آوروپا اوچونجولوگو اولان بوسه، چکیشمه‌لی گئچن یاریش‌دا رقیبینی ۶-۵ مغلوب ائد‌رک قیزیل مدالین صاحبی اولدو.

قادینلار ۵۰ کیلوگرام‌دا گولشن ائوین دمیرهان ایسه، فینال‌دا اوکراینالی اوکسانا لیواچ ایله قارشیلاشدی. بؤیوکلرده آوروپا و دونیا اوچونجولوگو اولان ائوین، قارشیلاشمادا ۵-۲ اودوزاراق گوموش مدال آلدی.

تورکیه قادینلار ۵۵ کیلوگرام‌دا تمثیل ائد‌ن الیف یانیق ایسه برنز مدال اویونون‌دا جین کسلر ایله قارشی قارشییا گلدی. اتریشلی رقیبینی   ۱۰-۰ مغلوب ائد‌ن میلی ایدمان‌چی، برنز مدال آلدی.