شامپیونلار لیگی فینالی ایستانبولدا
آتاتورک المپیک ایستادیومو، بو بؤیوک اورگانیزاسیونا ایکینجی دفعه ائو صاحبلیگی ائتمه حاقینی قازاندی
یوفا، ۲۰۲۰دهکی شامپیونلار لیگی فینالینین آتاتورک المپیک ایستادیوموندا اویناناجاغینی آچیقلاندی.
اوکراینادا گئرچکلشن تدبیرده المپیک ایستادیومو، پرتغالین باشکندی لیزبونداکی استادیو دا لوز ایستادیومو ایله یاریشدی.
آتاتورک المپیک ایستادیومو، بو بؤیوک اورگانیزاسیونا ایکینجی دفعه ائو صاحبلیگی ائتمه حاقینی قازاندی.
داها اؤنجه ۲۰۰۵.جی ایلده، اونودولماز لیورپول - میلان فینالی ۷۶ مین یئری اولان ایستادیومدا اوینانمیشدی.
۳-۰ گئری دوشن اینگیلیس تیمی، مؤحتشم گئری دؤنوشه ایمضا آتیب، نورمال سورهده حسابی ۳-۳ه گتیرمیش و پنالتیلارلا کاپی آلمیشدی.
تورکیه فوتبال فدراسیونو، آتاتورک المپیک ایستادیومونون یئنیلنهرک توتومونون ۹۲ مین ۲۰۸ه چیخارداجاغینی آچیقلامیشدی.
ایستانبول، ۲۰۱۹دا اویناناجاق یوفا سوپر کاپ فینالینا ائو صاحبلیگی ائدجک.
بو قارشیلاشما وودافون پارکدا اویناناجاق.
بئلهلیکله، تورکیه ایکی اؤنملی فینالینا ائو صاحبلیگی ائتمیش اولاجاق.
ایلگیلیلی خبرلر
آوروپا شامپیوناتی-2024: آلمانیا میللیسی اسکاتلند تیمینه قارشی
A قروپونون ایلک ماتچیندا ائو صاحیبی آلمانیا میللیسی اسکاتلند تیمی ایله قارشیلاشاجاق.