تورکیه واکیفبانک قادین والیبال تیمی‌ آوروپا شامپیونو اولدو

والیبالدا قادین‌لار CEV شامپیونلار لیگی دؤردلو فینالینی ائو صاحبی CSM Volei Alba'ی مغلوب ائده‌رک شامپیون بیتیرن واکیفبانک، آوروپانین بیر نؤمره‌لی کوپاسینی اوست-اوسته ایکینجی، بوتؤولوکده دؤردونجو دفعه موزه‌سیینه آپارماغی باشاردی.

آوروپا والیبالینین کولوب‌لار اساسیندا بیر نؤمره‌لی کوپاسینی 2011، 2013 و 2017-جی ایللرینده قازانان واکیفبانک، رومانی‌نین پایتختی بوخارست‌ده کئچیریلن دؤردطرف‌لی فینالدا دؤردونجو دفعه خوشبخت سونا چاتدی.

واکیفبانک، الده ائتدیگی 4 آوروپا شامپیونلوغوندا دا مغلوب اولمایان شکیلده کوپانی قال‌دیرا‌راق اهمیت‌لی بیر ایستاتیستیک‌ه ده ایمضا آتدی.

دولت باشقانی رجب طیب اردوغان، واکیفبانک قادین والیبال تیمی‌نین آوروپا شامپیونو اولماسی موناسیبتیله واکیفبانک ایدمان کولوبو صدری عثمان دمرن-ی تبریک ائدیب.

پرزیدنت مطبوعات مرکزین‌دن ائدیلن آچیقلامادا، اردوغانین، واکیفبانک قادین والیبال کلوبونون CEV شامپیونلار لیگی شامپیونو اولماسی موناسیبتیله، کلوب پرزیدنتی دمرن-ه بیر تبریک تلگرامی گؤندردیگی بیلدیریلدی.

گنج‌لر و ایدمان ناظیری عثمان آشکین باک دا CEV شامپیونلار لیگی دؤردلو فینالین فینال اویونوندا رومن قروپو CSM Volei Alba-ی 3-0 مغلوب ائده‌رک شامپیون اولان واکیفبانک قادین والیبال تیمینی تبریک ائدیب.