آذربایجان گراند پریسی همیلتونون اولدو

فورمولا ۱ دونیا شامپیوناسینین ۴.جو یاریشی آذربایجان گراند پریسینده، مرسدس تیمینین بؤیوک بریتانیالی پیلوتو لوئیز همیلتون بیرینجی اولدو.

فورمولا ۱ده مؤوسومون دؤردونجو یاریشما‌سی، آذربایجانین باشکندی باکی‌نین کوچه‌لرین‌ده اولوشدورولان ۶،۰۰۳ کیلومترلیک پیستده، ۵۱ تور اوزرین‌دن ائدیلدی.

یاریشا "پول" مؤوقعیتین‌ده باشلایان فراری‌دن سباستیان وتلین یانی سیرا آرخاسین‌داکی مرسدس و رد بول سوروجولری ده ایستارت‌دا یئرلرینی قورودو.

۴۹.جو توردا لیدئر بوتاسین آراجینین تکرینین پاتلاماسی ایله لیدئرلیگی اله گئچیر‌ن همیلتون، رایکونن‌ین ۲.۴ ثانیه اؤنونده مؤوسومون ایلک، اؤزونون ۶۳.جو بیرینجیلیگینه چاتدی.

لاستیکلری ییپرانان وتلی گئچن فورس ایندیا پیلوتو سرجیو پرز، لیدئرین ۴ ثانیه آرخاسین‌دا ۳.جو اولدو.

بو نتیجه ایله پوئنینی ۷۰ه چیخاران همیلتون، شامپیونا لیدئرلیگینه یوکسلدی.

بؤیوک بریتانیالی سوروجونو، ۶۶ پوئنله وتل و ۴۸ پوئنله رایکونن تعقیب ائتدی.

مؤوسومون ۵.جی یاریشی ایسپانیا گراند پریسی، ۱۳ می‌ده اولاجاق.