"بارسلونا" "روما"یا، "لیورپول" "منچستر سیتی"یه قارشی

بو گون شامپیونلار لیگینده 1/4 فینال مرحله‌سی‌نین ایلک اویون‌لاری باشا چاتاجاق.  

ایکینجی اویون گونونده داها 2 قارشیلاشما کئچیریله‌جک.

تورون فاووریلریندن اولان "بارسلونا" اؤز مئیدامیندا "روما"نی سیناغا چکه‌جک. موسابیقه نین فاووریسی کاتالونیا تمثیلچی‌سی‌دیر. "روما"نین چتین سفر اویونوندا هانسی نتیجه‌یه ایمضا آتاجاغی ماراقلا گؤزلنیلیر.

دیگر گؤروشده ایسه اینگیلیس قارشیدورماسی اولا‌جاق. "لیورپول" پرمیئر لیگده شامپیونلوغا یاخین اولان "منچستر سیتی"نی قبول ائده‌جک. "منچستر سیتی" گؤروشه جدی ایتکی ایله چیخا‌جاق. بئله کی، تیمین آپاریجی عضوو سرخیو آگوئرو بو گون میداندا اولمایا‌جاق.

4  آوریل

شامپیونلار لیگی

1/4 فینال، ایلک اویون‌لار

"لیورپول" (اینگیلتره) – "منچستر سیتی" (اینگیلتره)

"بارسلونا" (ایسپانیا) – "روما" (ایتالیا)