ایلین ان یاخشیلاری رئال مادریددن

رونالدو ۴.جو دفعه ایلین فوتبالچیسی سئچیلدی.

۲۰۱۷ دونیا فوتبال اؤدوللری مراسیمین‌ده ایلین فوتبالچیسی اؤدولونو، رئال مادریدین پرتغاللی اویونجوسو کریستیانو رونالدو آلدی.

دوبی ایدمان شوراسی، آوروپا کلوبلار بیرلیگی و آوروپا فوتبال یؤنتیجیلری بیرلیگینین ۲۰۱۰دان بو یانا تشکیل ائتدیگی دونیا فوتبال اؤدوللری، بیرلشمیش عرب امیرلیکلرینین دوبی شهرین‌ده تشکیل اولونان مراسیمله صاحبلرینه وئریلدی.

۲۰۱۷ده رئال مادریدین ایله یوفا شمپیونلار لیگی، یوفا سوپر کاپی، ایسپانیا بیرینجی فوتبال لیگی (لا لیگا)، ایسپانیا سوپر کاپی و فیفا کلوبلار دونیا کاپی شامپیونلوغو یاشایان رونالدو، ایلین فوتبالچیسی سئچیلدی.

اویلامادا لیونل مسی، پاولو دیبالا، بوفون، نیمار، سرجیو راموس و کیلین ام‌باپه‌نی گئری‌ده قویان ۳۲ یاش‌لی رونالدو، ۲۰۱۱، ۲۰۱۴ و ۲۰۱۶دان سونرا ۴.جو دفعه بو اؤدوله لاییق گؤرولدو.

ایلین تیمی اؤدولونو رئال مادرید، ایلین مربیسی اؤدولونو ایسه رئال مادریددن زین‌الدین زیدان قازاندی.