قطر، سعودی عربیستانداکی شطرنج شامپیونلوغو‌ موسابیقه‌لرینه قاتیلمایاجاق

قطرین، سعودی عربیستانین باشکندی ریاض‌دا ائدیله‌جک دونیا سرعت‌لی و ایلدیریم شطرنج شامپیونلوغو‌ موسابیقه‌لرینه قاتیلماما قراری آلدیغی بیلدیریلدی.

فطر شطرنج فدراسیون‌دان ائدیلن یازی‌لی آچیقلامادا، دونیا شطرنج فدراسیونونون (FIDE) "سعودی عربیستانی‌نین، موسابیقه‌لر زامانی قطر بایراغی‌نین آچیلماماسی" ایستگینی رد ائتمه‌سی و سعودی عربیستانین قطر آ میلی تیمی‌نین اویونچولارینا ویزا وئرمه‌سینی تامین ائتمه‌سی اوزرینه 29-30 دسامبردا کئچیریله‌جک ایلدیریم شطرنج یاریش‌لارینا قوشولماق قراری آلیندیغی ایفاده ائدیلدی. آچیقلامادا، بو گون باشلایا‌جاق سرعت‌لی شطرنج یاریش‌لارینا ایسه قطردن قاتیلیم اولمایاجاغی قید ائدیلیب.

بون‌دان باشقا آچیقلامادا، دونیا شطرنج فدراسیونونون، قطر شطرنج فدراسیونونا گؤندردیگی میل-ده، "ویزا‌لارین، آکتورلارین بین الخالق الریاض هاوا لیمانینا چاتاندا حاضیر اولاجاغی" معلوماتینی پایلاشدیغی بیلدیریلیب.

قطر شطرنج فدراسیونو دونن وئردیگی بیاناتدا، "شامپیونلوغو کئچیرن کومیته‌نین، قطر آ میلی تیمی اویونچولارینا موسابیقه‌لر زامانی قطر بایراغینی آچماما‌لاری شرطینی گتیرمه‌سی" سببین‌دن شامپیونلوغا قاتیلمایا‌جاق‌لارینی چاتدیرمیشدی.

سعودی عربیستانی عمومی ایدمان تشکیلاتی‌نین دونیا شطرنج فدراسیونو و سعودی عربیستانی شطرنج فدراسیونونون ایش بیرلیگینده کئچیردیگی شامپیونلوغا 70 اؤلکه‌دن تخمینن 700 آکتور قاتیلاجاق.