تورک قیزی دونیا بیرینجی‌سی اولدو

دونیا گولش شامپیوناسیندا قادین‌لار 75 کیلودا مباریزه ائدن میلی ایدمانچی یاسمین آدار، دونیا شامپیونو اولدو.

آدار، فرانسانین باشکندی پاریسده تشکیل ائدیلن یاریشمالاردا، بئلاروس‌لو واسیلیسا مارزالیوکو 5-4 مغلوب ائده‌رک، تورکیه‌نین قادین‌لارداکی ایلک دونیا شامپیون‌لوغونو الده ائتدی.

شامپیونلوق، آدارا هم قیزیل مدال، هم ده ائولی‌لیک تکلیفی گتیردی.

تشکیل ائدیلن مراسیمده یاسمین آدارا قیزیل مدالینی‌نین وئریلمه‌سی‌نین آردین‌دان، دؤشگه چیچک و اوزوکله چیخان اردم ایگید، دیز چؤکه‌رک یاسمین آدارا ائولی‌لیک تکلیفی ائتدی. تکلیفی قبول ائتدیگی گؤرولن میلی گولشچی، اوزوگو بارماغینا تاخا‌راق اردم ایگیده ساریلدی.