23-جو کارلار یاز اولمپیاد اویونلاری، سامسوندا باشلاییر
آچیلیش تورکیه ساعتی 18.00'ده، 19 می ایستادیونوندا کئچیریلهجک
23-جو کارلار یاز اولمپیاد اویونلاری، سامسوندا باشلاییر.
آچیلیش تورکیه ساعتی 18.00'ده، 19 می ایستادیوموندا کئچیریلهجک.
97 اؤلکهنین قاتیلیمی ایله رئاللاشاجاق آچیلیش مراسیمینده، تورک بایراغینی. میلی گولشچی ایلهان چیتاک داشییاجاق.
دؤرد قیزیل میدال ایله آیریلان و اویونلار تاریخینده تورکیهیه ان چوخ قیزیل میدال قازاندیران آد اولان 37 یاشینداکی چیتاک، سامسونداکی سون اولمپیادایندا بئشینجی موکافاتینی آلیب آکتیو اسپورجولوک حیاتینی بیتیرمک ایستییر.
اولمپیاد شامپیونو میلی گولشچی تاها آکگولون، بین الخالق کارلار ایدمان کومیتهسی ICSD -نین لوزانداکی مرکزیندن تسلیم آلدیغی و 7 یژوئیهده گنجلیک و ایدمان ناظیری آکیف چاغاتای قیلینجین قاتیلدیغی مراسیمله سامسونا گتیریلن مشعل، آچیلیش مراسیمینده اولمپیاد آتشینی یاندیرماق اوچون ایستیفاده ائدیلهجک.
مشعلی یاناجاق اولان آد سورپریز اولاجاق.
مراسیم، 33 مین 919 نفر ظرفیتلی یئنی 19 می ایستادیوموندا تشکیل ائدیلهجک.
ایستادیوما کوتلوی نقلیات تراموایلا 17.00 - 23.00 ساعتلاری آراسیندا اولوب پولسوز اولاراق ایدمان سئورلرین خیدمتینه تقدیم ائدیلهجک.
تخمینن 4 ساعت داوام ائدهجک اولان آچیلیش مراسیمینده موغننی مورات بوز صحنه آلاجاق.
چوخ امنیت تدبیرلرینین آلیندیغی آچیلیشدا 650سی اؤزل امنیت، 3 میندن چوخ ده پولیس وظیفه ائدهجک.
مراسیم اوچون ساغلیق تدبیرلری ده آرتیریلدی.
15 عاجیل یاردیم، 2 میلی مئدیکال قورتارما قروپو، 5 ایکیلی قروپ اولماق عذره جمعده 60-آ یاخین ساغلیق پرسونلی آچیلیش مراسیمینده وظیفهلی اولاجاق.
ایلگیلیلی خبرلر
آوروپا شامپیوناتی-2024: آلمانیا میللیسی اسکاتلند تیمینه قارشی
A قروپونون ایلک ماتچیندا ائو صاحیبی آلمانیا میللیسی اسکاتلند تیمی ایله قارشیلاشاجاق.