سئچمه مرحله‌ده ایکینجی تور باشلاییر

دونیا شامپیوناتی 2018-ین سئچمه مرحله‌سی چرچیوه‌سینده آوروپا بولگه سینده بو گون ایکینجی دؤوره‌نین اویون‌لارینا ایستارت وئریله‌جک.

ایلک اویون گونونده آلتینجی تورون 9 گؤروشو کئچیریله‌جک. آ، ب و ح قروپوندا یئر آلان تیملر میدانا چیخا‌جاق‌لار.

آ قروپوندا اساس دقت‌لر لیدئرلرین اویونونا یؤنه‌له‌جک. 5 توردان سونرا قروپ لیدئری اولان فرانسا ان یاخین ایزلییجی‌سی سوئد-ین قوناغی اولا‌جاق.

ایلک 5 توردا جمعی 7 امتیاز توپلایان هلند میللی سینی آسان اویون گؤزلییر. "نارینجی‌لار" اؤز مئیدانیندا لوگزمبورگ تیمینی سیناغا چکه‌جک.

کئچیردیگی 5 اویونون هامی‌سیندا غلبه قازانان سوئیس امتیازلارینین سایینی 18-ا چاتدیرماغا چوخ یاخین‌دیر. چونکی ب قروپونون لیدئری سفرده فارر آدا‌لاری‌نین قوناغی اولا‌جاق.

سون آوروپا شامپیونو پرتغال میللیسی ده گونو غلبه ایله باشا ووراجاغینی تخمین ائله مک اولار. چتین کی لتونی  میللی‌سی کریستیانو رونالدونون تیمیندن امتیاز آلا بیلسین.

ح قروپوندا گونون موسابیقه سی بوسنی هرزگوین-ده کئچیریله‌جک. 10 امتیاز ایله قروپدا اوچونجو اولان بوسنیا‌لی‌لار 1 امتیاز گئری قالدیق‌لاری یونانیستانی سیناغا چکه‌جک‌لر.

قروپون لیدئری بلژیک ایسه سفرده استونی ایله اوز-اوزه گله‌جک.

دونیا شامپیوناتی-2018-ین سئچمه مرحله‌سی

آلتینجی تور

9 ژوئن

آ قروپو

آندورا - ماجاریستان

هلند  - لوکزامبورگ

سوئد - فرانسا

ب قروپو

بلاروس - بولقاریستان

فارر آدا‌لاری – سوئیس

لتونی  – پرتغال  

ح قروپو

بوسنی هرزگوین  - یونانیستان

استونی – بلژیک

جبل الطارق – قیبرس