دربی‌نی "فنرباخچا" قازاندی، "بشیکتاش" "آداناسپور"و قبول ائدیر

تورکیه سوپر لیگینده 28-جی تورا ایستارت وئریلدی. تورون ایلک اویون گونونده ایکی قارشیلاشما باش توتدو.

"کارابوکسپور" "کاسیم پاشا" ایله گل سوز برابره قالدی ، "کونیاسپور" ایسه ائوده "غازی آنتپ سپور"ا اودوزدو- 2:1.

تورون ان چوخ ماراقلا گؤزلنیلن موسابیقه‌سی بازار گونو کئچیریلدی. ازه‌لی رقیب‌لر "قالاتاسارای" و "فنرباخچا" ایستانبول دربی‌سینده گوج‌لرینی سینادیلار.  

"تورک تلکوم آرنا"دا "قالاتاسارای" ازه‌لی رقیبی "فنرباخچا"نی قبول ائتدی. ایلک حیصه "ساری-قیرمیزی‌لی"لارین اراضی اوستون‌لوگو ایله کئچدی. بیر نئچه دفعه ولکان تیمینی گل-دان قورتاردی. حیصه‌نین قالان واختی عرضینده قاپی‌لار قارشی‌سیندا او قدر تهلوکه‌لی وضعیت یارادا بیلمه‌ین فوتبولچولار فاصیله‌یه بو حسابلا گئتدیلر. ایکینجی 45 دقیقه‌ده ده طرفدارلار فرق‌لی اویونا تاماشا ائده بیلمه‌‌دی. اویون داها چوخ مئیدانین مرکزینده کئچدی. بعضی حال‌لاردا ایسه طرفدارلار میدانا یاد جیسیم‌لر آتیب. یالنیز گؤروشه علاوه ائدیلمیش دقیقه‌لرده "فنرباخچا" بیر گل وورا‌راق موسابیقه‌دن غالیب آیریلدی.

لیدئر "بشیکتاش" بازار ائرته‌سی میدانا چیخا‌جاق. "قارا قارتال‌لار" "آداناسپور"و قبول ائده‌جک.

تورکیه سوپر لیگی

28-جی تور

21 آوریل  

"کارابوکسپور" – "کاسیم پاشا" – 0:0

"کونیاسپور" – " غازی آنتپ سپور"  2:1

22 آوریل

"ریزسپور" – "باشاک شهیر" - 3:3

 "آلانیاسپور" – "عثمانلی سپور" - 0:1

"آنتالیاسپور" – "ترابزونسپور" - 3:0

 "گنجلربیرلیگی" – "کایسئری سپور" - 1:2

23 آوریل

"آک حیصار" – "بورساسپور" - 1:5

 "قالاتاسارای" – "فنرباخچا" - 1:0

24 آوریل

"بشیکتاش" – "آداناسپور"