شامپیونلار لیگینده یئنی رکورد
تورکیهنین "واکیف بانک" کلوبونون توپ پایلاییجیسی ناز آیدمیر 9-جو دفعه "دؤردلر فینالی"نا یوکسلمکله، یاریشین تاریخینه دوشدو.
708287
قادین والیبال چیلار آراسیندا شامپیونلار لیگینده یئنی رکورد معینلشدی. تورکیهنین "واکیف بانک" کلوبونون توپ پایلاییجیسی ناز آیدمیر 9-جو دفعه "دؤردلر فینالی"نا یوکسلمکله، یاریشین تاریخینه دوشدو.
ایستانبول تمثیلچیسی بیر گون اؤنجه سوئیس-ین "وولرو"سو اوزرینده غلبه سایهسینده آدینی "ترویزو"دا کئچیریلهجک حل ائدیجی مرحلهیه یازدیردی. بو، آیدمیرین "واکیف بانک"لا "دؤردلر فینالی"دا آردیجیل 5-جی ایشتیراکی اولاجاق.
او، قاره نین ان نفوذلو کلوب تورنیرینده ایلک دفعه 2008/2009 موسومونده قاتیلدی. 19 یاشیندا یئتیرمهسی اولدوغو "اجزاچیباشی" ایله یاریم فینال سئوینجی یاشایان آیدمیر 3 دفعه ده "فنرباخچا" ایله "دؤردلر فینالی"ندا موباریزه آپاریب.
ناز 2001-جی ایلدن شامپیونلار لیگی کیمی کئچیریلن یاریشی 2012-جی و 2013-جو ایللرده قیزیل مئداللا باشا ووروب.