"فنرباخچا" موباریزنی دایاندیردی

دونن آوروپا لیگینده  1/16 فینال مرحله‌سی‌نین جاواب اویون‌لارینا ایستارت وئریلدی.

قارشیلاشما‌لار 2 گونو احاته ائدیر. ایلک اویون گونونده 3 گؤروش کئچیریلدی.

تورکیه‌نین "فنرباخچا" کلوبو اؤز مئیدانیندا "کراسنودار"ی قبول ائتدی. سفرده روسیا کلوبونا 0:1 حسابی ایله اودوزان ایستانبول تمثیلچی‌سی جاواب قارشیلاشماسیندا 1:1 حساب‌لی هئچ-هئچه ائده‌رک تورنیرده موباریزنی دایاندیردی.

پاوک سفرده "شالکه" ایله قارشیلاشدی و برابره قالدی. - 1:1 . ایلک اویوندا اؤز مئیدانیندا آلمان‌لارا 3 جاواب‌سیز گل ایله اودوزان یونانیستان کلوبو مرحله آدلایا بیلمه‌دی.

دیگر اویوندا ایسه "منچستر یونایتد" "سنت-اتین"ین قوناغی اولدو. ایلک موسابیقه‌ده قالیب گلن (3:0) "منچستر یونایتد" جاواب گؤروشونده ده 1:0 حسابی ایله غالیب گله‌رک 1/8 فینالا یوکسلدی.

قئید ائدک کی، مرحله‌نین دیگر اویون‌لاری بو گون کئچیریله‌جک.

22 فوریه

آوروپا لیگی

1/16 فینال مرحله‌سی، جاواب اویون‌لاری

"فنرباخچا" (تورکیه) – "کراسنودار" (روسیا) 1:1

ایلک اویون – 1:0

"شالکه" (آلمانیا) – پاوک (یونانیستان) 1:1

ایلک اویون – 0:3

"سنت اتین" (فرانسا) – "منچستر یونایتد" (اینگیلتره) 0:1