قشقایی تیمی ایله زاگرس تیمی اویونوندا قانلی اولایلار

شیرازین قشقایی تیمی ایله یاسوجون زاگرس تیمی آراسیندا اوینانان اویون، چیخان اولایلار سببی ایله یاریم قالدی. 30.جو دقیقه‌دن اعتبارا چیخان اولایلار و آتیلان داشلار سببی ایله اویون دوردو. اولایلار سیراسیندا بیر نئچه نفر یارالاندی.

ورزش 3 پروگرامینا دانیشان زاگرس تیمینین مربی‌سی حمید کرمی و قشقایی تیمینین مودورو روح‌الله نجف‌پور چیخان اولایلارلا ایلگیلی بیربیرینی سوچلادی.

زاگرس تیمینین مربی‌سی، قشقایی تیمی طرفدارلارینین اؤز تیمینین اویونچولاری و فنی کادر عضولرینی دؤیدوکلرینی ادعا ائتدی.

قشقایی تیمینین مودورو نجف‌پور ایسه، زاگرس تیمینین مربی‌سینین ادعالارینی رد ائدرک، زاگرس تیمی طرفدارلارینین قومی شعارلار وئردیگینی، تورکلره توهین ائتدیکلرینی ایرلی سوردو.

نجف‌پور، دونیا آنادیلی گونونون یاخینلاشدیغینا دقت چئکه‌رک، تورکلرین هویتینه توهین ائدیلدیگینی سؤیله‌دی.

اولایلار سیراسیندا، قشقایی تیمی‌نین مربی‌سی و بیر نئچه نفر آتیلان داشلار سببی ایله یارالاندی.