تورکیه یورو 2016،یا وداع ائتدی
بو نتیجه ایله تورکیه، تاریخینده 4. دفعه قاتیلدیغی اوروپا شامپیونلوغونا ایکینجی دفعه قروپ مرحلهسینده وداع ائتدی
![تورکیه یورو 2016،یا وداع ائتدی](http://cdn.trt.net.tr/images/xlarge/rectangle/17d4/aa19/41fb/576b623a4540a.jpg?time=1719003105)
2016 اوروپا فوتبال شامپیونلوغوندا (یورو 2016) تورکیه، قروپلارینی 3. سیرادا تاماملایان ان یاخشی 4 تیم آراسینا قالامایاراق تورا وداع ائتدی.
یورو 2016دا قروپ اویونلارینین سونا چاتماسینین آردیندان اوست دؤوره قالان تیملر معین اولدو.
"د" قروپوندا کورواسی و ایسپانیایا مغلوب اولماسینا باخمایاراق سون اویونوندا چک جمهوریتینی 2-0 مغلوب ائدهرک اوست دؤوره اومیدینی داوام ائتدیرن "آ" میللی تیمی، دیگر قروپ قارشیلاشمالاری نتیجهلرینین معین اولماسینین آردیندان توردان اودوزدو.
"ائ" قروپوندا ایرلند جمهوریتی، ایتالیانی 1-0 مغلوب ائدهرک امتیازینی 4-ه یوکسلددی و تورکیهنین یئرینه تورا داوام ائدن تیم اولدو. قروپون دیگر موباریزهسینده، بلژیکین سوئدی 1-0 مغلوب ائتمهسی ایسه میللیلر اوچون کافی اولمادی.
تورون قروپلارینی 3. سیرادا تاماملایان ان یاخشی 4 تیم ایسه 4 امتیازلی اسلوواکی و ایرلند جمهوریتی ایله تورکیهدن داها یاخشی قول فرقینه صاحب 3 امتیازلی پورتغال ایله قوزئی ایرلند اولدو.
بو نتیجه ایله تورکیه، تاریخینده 4. دفعه قاتیلدیغی اوروپا شامپیونلوغونا ایکینجی دفعه قروپ مرحلهسینده وداع ائتدی.
2016 اوروپا فوتبال شامپیونلوغوندا قروپ اویونلارینین سونا چاتماسینین آردیندان سون 16 تورونا قالان تیملر قارشیلاشدی.
سون 16،ا قالان تیملرین اویغونلوقلارین و اویونونلارین اویناناجاغی تاریخلر بئله:
25 ژوئن شنبه:
سوئیس- لهستان (تورکیه ساعاتی ایله 16.00 - جئوفروی گویچارد ایستادیومو)
ولز- قوزئی ایرلند (تورکیه ساعاتی ایله 19.00 - پارک ده پرنس)
کورواسی-پورتغال (تورکیه ساعاتی ایله 22.00 - بولارت-دللیس)
26 ژوئن بازار:
فرانسا-ایرلند جمهوریتی (تورکیه ساعاتی ایله 16.00 – لیون)
آلمان- اسلوواکی (تورکیه ساعاتی ایله 19.00 - پیر مائوروی)
ماجاریستان-بلژیک (تورکیه ساعاتی ایله 22.00 – تولوز)
27 ژوئن بازار ارتهسی:
ایتالیا-ایسپانیا (تورکیه ساعاتی ایله 19.00 - استاد دو فرانس)
اینگیلتره-ایسلند (تورکیه ساعاتی ایله 22.00 – نیس)
ایلگیلیلی خبرلر
آوروپا شامپیوناتی-2024: آلمانیا میللیسی اسکاتلند تیمینه قارشی
A قروپونون ایلک ماتچیندا ائو صاحیبی آلمانیا میللیسی اسکاتلند تیمی ایله قارشیلاشاجاق.