تورکیه آ میللی قادین بسکتبال تیمی، خصوصی بیر تور اوچون بلاروس‌دا
اؤزییغیت، فرق‌لی ائکول تیملرله اویون اوینامانین اونلار اوچون چوخ فایدا‌لی اولاجاغینی سؤیله‌دی
2016 فیبا قادین‌لار اولمپیادا سئچمه‌لرینه حاضیرلانان تورکیه آ میللی قادین بسکتبال تیمی، خصوصی بیر تور اوچون بلاروس‌دا.
فرانسانین نانتس شهرینده 13-19 ژوئن تاریخ‌لرینده کئچیریله‌جک اولمپیادا سئچمه‌لرینده موباریزه ائده‌جک تورکیه آ میللی تیمی، بو گون بلاروسون باشکندی مینسکده باشلایا‌جاق اولوسلار آراسی تورونا قاتیلا‌جاق. آی-اولدوزلولار، ائو صاحبی بلاروسون یانیندا ژاپون و یئنی زلاندی ایله قارشیلاشاجاق.
تورکیه آ میللی قادین تیمی یؤنتیجیسی آرزو اؤزییغیت، یئنی زلاند و ژاپون‌ون چوخ اوزاق اؤلکه‌لر اولماسینا باخمایا‌راق، تکنیک قروپ‌لاری‌نین ایکی تیمی ده چوخ یاخین‌دان تعقیب ائتدیگینی ایفاده ائتدی. اؤزییغیت، فرق‌لی ائکول تیملرله اویون اوینامانین اونلار اوچون چوخ فایدا‌لی اولاجاغینی سؤیله‌دی.
تورکیه آ میللی قادین بسکتبال تیمی، مینسک‌دکی ایلک اویونوندا بو گون ژاپون ایله قارشیلاشاجاق. آی-اولدوزلولار، 3 ژوئن جمعه گونو یئنی زلاند، 4 ژوئن شنبه گونو ایسه ائو صاحبی بلاروس ایله اوینایا‌جاق و تورو تماملایاراق 5 ژوئن بازار گونو ایستانبولا دؤنه‌جک.
