تورکیه یونانیستانا قارشی

تورک میلی فوتبال تاخیمی، حاضیرلیق اویونوندا بو گون (چرشنبه آخشامی) ایستانبولدا یونانیستان ایله قارشی قارشییا گله‌جک. میلی تاخیما ایلک دفعه ائو صاخب‌لیگی ائده‌جک 17.300 طرفدار توتومونا صاخب باشاک‌شهیر فاتیح تئریم ایستادیوموندا اوینانا‌جاق اویونون بیلت‌لری توکندی.
تورکیه ساعاتی ایله 20.15ده باشلایا‌جاق اویونو ایتالیالی داور پائولو والری یؤنه‌ده‌جک. والرینین کؤمکچی‌لیک‌لرینی جیان‌لوکا کاریولاتو ایله آلساندرو جیالاتینی ائده‌جک. تولگا اؤزکالفا ایسه قارشیلاشمانین دؤردونجو داوری اولا‌جاق.
اؤته یاندان تورکیه و یونانیستان باشباخانلاری، ایکی اؤلکه میلی فوتبال تاخیمی آراسین‌داکی دوستلوق قارشیلاشماسینی بیرلیکده ایزله‌یه‌جک‌لر.