تورکیه، آوروپا شامپیوناسی فینال اویونلاریندا

تورکیه یورو 2016دا
قونیا تورکو آرئنادا اوینانان مباریزه‌ده ایسلندین 1-0 مغلوب ائدن فوتبال میلی تاخیمی، فرانسادا گئچیریله‌جک 2016 آوروپا شامپیوناسینا بیرباشا قاتیلماغا حاق قازاندی.
2016 آوروپا فوتبال شامپیوناسی (یورو 2016) المه‌لری آ قروپوندا ائدیلن 10.جو و سون هفته اویونلاری‌نین آردین‌دان ایلک 2 سیرانی آلان چک جمهوریتی و ایسلندین یانیندا "ان یاخشی 3.جو" اولان تورکیه، فینال‌لارا گئتمه‌یه حاق قازاندی.
تورکیه، قروپون سون قارشیلاشماسیندا ایسلندی آغیرلادی. 62.جی دقیقه‌ده اویونا داخیل اولان گؤکحان تؤره‌نین 78.جی دقیقه‌ده قیرمیزی کارت گؤرمه‌سیله 10 نفر قالان ایگیدلریمیز، سئلجوق اینانین 89.جو دقیقه‌ده سربست ووروش‌دان آتدیغی گللا ساحه‌دن 1-0 قالیب آیریلدی.
تورکیه‌نین نتیجه‌سینی ماراقلا گؤزلدیگی لتونی-قازاخیستان قارشیلاشماسینی، کواتین 65.جی دقیقه‌دکی گلویلا 1-0 قازاخیستان قازاندی.
بئله‌جه ایسلند اویونو اؤنجه‌سی 9 پوئنی اولان تورکیه، قازاخیستانین رقیب ائوینده لتونی‌نی مغلوب ائده‌رک سونونجولوغا آتماسی قروپ سونونجولاریندان‌ قازانیلان پوئن‌لر چیخیلماقلا حساب‌لانان "ان یاخشی 3.جو" سیرالاماسیندا، 16 پوئنله ذیروه‌یه یئرلشدی.
"ان یاخشی 3.جو تاخیم" حاقین‌دان یورو 2016 بیلتی آلان تورک میلی تاخیمی، 1996، 2000 و 2008.جی ایلده سونرا 4.جو دفعه آوروپا فوتبال شامپیوناسینا قاتیلماغی باجاردی.