تورکیه 2016 اوروپا فوتبال شامپیونلوغونا قاتیلما حاقی الده ائتدی
یورو 2016 الهمهلری، آ، ب و ه قروپلاریندا اوینانان 9 اویونلا تاماملاندی
2016 اوروپا فوتبال شامپیونلوغو (یورو 2016) سئچمه قروپو موسابیقهلری سونوندا قروپلاریندا ایلک 2 سیرانی آلان 18 تیمن یانیندا "ان یاخشی اوچونجو" اولان تورکیه فرانساداکی فیناللارا بیرباشا قاتیلما حاقی الده ائتدی.
یورو 2016 الهمهلری، آ، ب و ه قروپلاریندا اوینانان 9 اویونلا تاماملاندی. 9 قروپدا اوینانان سئچمه موسابیقهلری سونوندا قروپلاریندا ایلک 2 سیرانی آلان و یورو 2016 بیرباشا قاتیلما حاقی قازانان اؤلکهلر بئله: چک جمهوریتی، ایسلند، بلژیک، ولز، ایسپانیا، اسلوواکی، آلمان، لهستان، اینگیلتره، سوئیس، شمالی ایرلند، رومانی، اوتریش ، روسیا، ایتالیا، کورواسی، پورتغال و آلبانی.
سئچمه قروپو اویونلاری سونوندا یورو 2016 اوچون پلی-اوف اوینایاجاق 8 اؤلکه ده بللی اولدو.
ب قروپوندا: بوسنی و هرزگوئین،
ج قروپوندا: اوکراین،
د قروپوندا: ایرلند جمهوریتی،
ای قروپوندا: اسلوونی،
ف: قروپوندا ماجاریستان،
گ قروپوندا: سوئد،
ه قروپوندا: نوروئژ و
آی قروپوندا دا دانمارک قروپلاریندا اوچونجو سیرادا یئر آلاراق پلی-اوفدا موباریزه ائتمه شانسینی یاخالادی. پلی-اوفدا موباریزه ائدهجک 8 تیم، سریباشی ایستاتوسوندا، ایکیلی اولاراق جوت اویون اوزریندن برابرلشهجک و بو اویونلارین آردیندان 4 تیم داها فینالا قاتیلماغا حاق قازاناجاق. پلی-اوف قارشیلاشمالاری، 12-14 و 15-17 نوامبر 2015-جی ایلده کئچیریلهجک. پلی-اوف قارشیلاشمالارینین قورا چکیلیشی، 18 اوکتوبر بازار گونو سوئیسین نیون شهریندکی UEFA مرکزینده تورکیه ساعاتی ایله 12.20ده گرچکلشدیریلهجک.
یورو 2016 فیناللارینین قورا چکیلیشی ایسه 12 دسامبر 2015-جی ایلده فرانسانین باشکندی پاریسده تورکیه ساعاتی ایله 18.00'ده ائدیلهجک. فرانسا ائو صاحبی اولدوغو اوچون بیرباشا اولاراق آ قروپوندا بیرینجی توربا تیمی اولاراق قاتیلاجاق. تورکیه ایسه قورایا 4. توربادان داخیل اولاجاق. ان یاخشی 3. اولان آ میللی تیممیزین ده آرالاریندا اولدوغو بو 20 تیمه، پلی-اوفده گلهجک 4 تیمین داها گلمهسی ایله مسابیقهیه قاتیلان بوتون تیملر دقیقلشمیش اولاجاق. یورو 2016دا بو 24 تیم دؤردلو قروپلار اولاراق 6 آیری قروپا آیریلاجاق و ایلک 2لر ایله بیرلیکده ان یاخشی دؤرد 3. ده سون 16-یا قالاجاق. داها سونراکی مرحلهده تک اویون آرادان قالدیریلماسی سیستمینه کئچیلهجک.
ایلگیلیلی خبرلر
آوروپا شامپیوناتی-2024: آلمانیا میللیسی اسکاتلند تیمینه قارشی
A قروپونون ایلک ماتچیندا ائو صاحیبی آلمانیا میللیسی اسکاتلند تیمی ایله قارشیلاشاجاق.