2 تورک گولشچی قیزیل مدال آلدی
آمریکانین لاس وگاس شهرینده تشکیل ائدیلن دونیا گولش شامپیوناسیندا رضا کایاآلپ و سلجوق چئبی قیزیل مدالین صاحبی اولدو
آمریکانین لاس وگاس شهرینده تشکیل ائدیلن دونیا گولش شامپیوناسیندا فرنگی ایستیل 130 کیلودا رضا کایاآلپ، قیزیل مدالین صاحبی اولدو.
اورلانس آرئنادا تشکیل ائدیلن شامپیونادا کایاآلپ، فینالدا کوبالی میژاین لوپز نونز ایله قارشی قارشییا گلدی. رقیبینی 1-0 مغلوب ائدن میلی گولشچی، قیزیل مدال آلدی.
رضا کایاآلپ، ایلک توردا بئلاروسلو رقیبینی 2-0، ایکینجی توردا اتریشلی رقیبینی 8-0 مغلوب ائدهرک دؤرددهبیر فینال یوکسلمیشدی. دؤرددبیر فینال موباریزهسینده ایسه اوکراینالی رقیبینی 9-0 سایی ضربهسی ایله مغلوب ائدن کایاآلپ، یاری فینالدا ایسه آذربایجانلی گولشچینی 6-0لیق حسابلا مغلوب ائدهرک فینالا چیخمیشدی.
میلی گولشچی کایاآلپ، لوپز قارشیسیندا الده ائتدیگی باشارینین چوخ سئویندیریجی اولدوغونو ایفاده ائدهرک، "بیر افسانهنی بیتیردیم. رقیبیمی یاخشی آنالیز ائتدیم و چوخ یاخشی ساوونما ائتدیم. خوجالاریمین منه وئردیگی تاکتیکلری اویقولادیم. او یاشلییدی، من گنج. منه آیاق اویدوراممادی" دئدی.
80 کیلودا سلجوق چئبی ده فینالدا بئلاروسدان ویکتار ساسونووسکینی مغلوب ائدهرک شامپیون اولدو و قیزیل مدال قازاندی.
چئبی، فینالدا بئلاروستان ویکتار ساسونووسکی ایله قارشی قارشییا گلدی. رقیبینی 3-0 مغلوب ائدن میلی گولشچی، قهرمان اولاراق قیزیل مدال آلدی.
80 کیلودا چئبی، ایلک توردا مصرلی رقیبینی 9-0 سایی ضربهسیله، ایکینجی توردا دا قیرغیزیستانلی رقیبینی 7-2 مغلوب ائدهرک آدینی دؤرددهبیر فینالا یازدیرمیشدی. چئبی، دؤرددهبیر فینال مباریزهسینده ماجاریستانلی رقیبینی 3-2، یاری فینالدا ایسه گورجو گولشچینی 4-2 اؤنده ایکن ضربه ائدرک فینالا چیخمیشدی.
میلی گولشچی سلجوق چئبی، الده ائتدیگی قهرمانلیق سببیله قورورلو اولدوغونو ایفاده ائدهرک، بونلاری سؤیلهدی:
"مدال، 78 میلیون اینسانا آرماغان اولسون. اؤلکهمیز قاریشیق بیر دؤوردن گئچیر، شهیدلریمیز وار. بو مدال شهید عائلهلرینه بیر آز معنوی گوج وئرسه چوخ موتلو اولارام. دونیا و آوروپا شامپیونلوقلاریم وار. یالنیز المپیک شامپیونلوغوم یوخدور، بونو دا الده ائدهبیلمک اوچون چوخ چالیشاجاغام."
ایلگیلیلی خبرلر
ایستانبول دربیسینی قالاتاسارای قازاندی
بو گون تورکیه سوپر لیگینده "قالاتاسارای" سفرده "فنرباخچا" ایله قارشیلاشیب.