ان.بی.ای‌ده تورک گئجه‌سی

آمریکا میلی بسکتبال لیگی، ان.بی.ای‌ده، واشینگتن ویزاردز ایله لوس آنجلس کلیپرز آراسیندا اوینانان اویون، تورک ماهنیلارییلا "تورک گئجه‌سی"‌نه دؤنوشدو.
تورک میلی بسکتبالچی هدایت تورک‌اوغلونون تاخیمی لوس آنجلس کلیپرز رقیب ائوینده واشینگتن ویزاردز ایله قارشیلاشدی. گئجه‌ده، اویونون اویناندیغی وریزون سنتر ایدمان سالونو، تورک کولتور گئجه‌سینه صحنه اولدو.
اویونون دؤوره آراسیندا قاردلن دانس فولکلور قروپو، تورک فولکلورون‌دان اویون‌لار سرگیله‌دی. سالون‌داکی مین‌لرجه آمریکا‌لی بسکتبال سئور ده قاردلن قروپونون گؤستریسینی ماراقلا ایزله‌دی.