"بیر آذربایجان تورکو اولاراق تراختورون اودماسی اوچون چالیشاجاغام

تبریزین تراختور تاخیمی‌نین باش مشقچی‌سی رسول خطیبی، طرفدارلاری تراختورا دستک اولماق اوچون ایستادیومو دولدورماغا چاغیردی.
ورزش سه سایتینین خبرینه گؤره، بوگون سپاهان تاخیمینی تبریزده آغیرلایاجاق اولان تراختور تاخیمی‌نین باش مشقچیسی رسول خطیبی، اویون اؤنجه‌سی مطبوعات آچیقلاماسیندا، تاخیمینین سپاهانا قارشی بنزری گؤرولمه‌میش یئنی بیر استیل‌له اوینایاجاغینی سؤیله‌دی. خطیبی، برنامه ایله اوینادیقلارینی بیلدیررک، "سپاهان تاخیمی یاخشی بیر تاخیمدیر. تراختوردان سونرا بو تاخیمی توتورام. بو تاخیمین چالیشانلاریناو اصفهانلی‌لارا دویدوغوم سایغییا باخمایاراق، منیم وطنیم تبریزدیر. بیر آذربایجان تورکو اولاراق تراختورون اودماسی اوچون چالیشاجاغام" دئدی.